美國密芝根州近日舉辦全國櫻桃節 (National Cherry Festival)，節慶發生機動遊戲意外，好彩唔少遊客捨身相救，化險為夷，不致樂極生悲。
事發於節慶會場擺放嘅機動遊戲「魔毯」(Magic Carpet)。當時「魔毯」坐滿玩家開始運行，不過基座突然鬆脫。遊戲機一路運轉，但基座就不斷晃動，成部機睇怕會飛起再反轉。坐喺機動遊戲嘅玩家非常危險，有人嚇到大叫。有唔少現場遊客不顧自身安危，即刻衝過去遊戲機，用自己身體重量固定遊戲機。集眾人之力，令「魔毯」平衡下來。
最後遊戲機停低，喺上面嘅玩家安全疏散，好彩最終無任何傷亡。而遊戲機發生意外，立即被拆除送走。
----- 廣告 Ad -----
唔少人話，地面嘅遊客唔止反應快，亦完全不顧自己安危去拯救陌生人，絕對體現人性善良嘅一面。
同款機動遊戲
資料: ABC
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。