----- 廣告 Ad -----

發展局對觀塘海濱及啟德發展區，提出「多元組合」模式方案，包括計劃興建13公里長「行人單車共融通道」，目標於2年及4年後落成。

行人單車共融通道 天橋連接觀塘與啟德

呢條「行人單車共融通道」，以一條約13公里長嘅單車徑網絡貫通啟德車站廣場、啟德體育園、啟德河，並途經觀塘避風塘兩旁的海濱長廊，當中會興建一條600米長天橋，連接啟德跑道公園與觀塘海濱。值得留意係，行人同單車將使用共同空間，即係話如果依照發展局設計，呢條通道係唔會分開單車徑同行人路。

圖: 發展局

----- 廣告 Ad -----

計劃將於今年年初，開始設計及實施研究，第一階段包括7.5公里長的共融通道，會於2023年落成；其餘5.5公里將於2025年以後落成。

2018年發展局於觀塘海濱試行共融通道，官員於公園行人路踩單車。圖: 發展局

發展局希望，共融通道除咗提供多啲活動空間畀當區居民，亦可紓緩觀塘嘅交通堵塞問題。

不過，日日塞車嘅駿業里同開源道，都係喺觀塘另一邊，呢條位於啟德嘅通道，又點解決交通問題呢?

資料: 明報