住喺美國夏威夷嘅12歲 David King，早前同阿媽去咗當地 Waimano Trail 行山。佢哋途中遇到一對迷路失婦，呢對夫婦無晒水、無晒糧食， 手機亦無電，隨行嘅狗狗亦整傷隻腳。
David 母子見到佢哋咁狼狽，當然出手相助，帶佢哋一齊落山。問題係狗狗受傷，舉步為艱，完全影響大家嘅步速。呢個時候，David 諗到佢喺童軍學番嚟嘅技能解決問題: 用兩支樹枝、兩件T恤，製作成一張擔架，然後大家輪流將狗狗抬落山。
佢哋一行四個人一隻狗，最後順利落山。David 話，佢可以將多年來喺童軍學番嚟嘅知識學以致用，感到相當開心。更最高興係，佢做到童軍「日行一善」嘅目標，助己助人。
----- 廣告 Ad -----
資料: Fox News
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。