[2018世界盃] 睇波足以致命 最驚嚇的健康報告

每次有大型體育盛事，傳媒、醫生都會狗衝出嚟，告戒球迷、體育迷要注意健康。

最基本嘅，就係睇波飲啤酒會導致痛風；食薯片過多會吸收過多鹽份，導致高血壓；持續睡眠不足，會影響情緒，增加患抑鬱症風險……

各位球迷，呢啲係咪聽到已經耳熟能詳呢? 咁都未夠，ABS 搜集近年多個學術研究數據，得出結論係：

觀看球賽足以致命!

新西蘭在2011年奪得欖球世界杯冠軍

1. 心臟病

新西蘭針對英式欖球世界杯進行大型研究，指支持球隊的最後勝負，足以影響球迷的心臟健康。2003年，新西蘭以長勝姿態進入八強，但到四強準決賽，該隊以10比22被死對頭澳洲踢出局，心臟病入院的病人立即增加達50%。而在2011年，新西蘭以主辦國身份進軍決賽，並且以8比7僅勝法國奪冠，心臟病的情則未見有惡化。

2. 眼中風

德國有大學分析2014年世界杯決賽周的數據，發現這段期間治療「視網膜靜脈阻塞」(俗稱眼中風) 的病人大幅增加。研究人員話，雖然當年德國擊敗阿根庭奪得世界杯，但情緒大幅波動，足以引發病變!

呢個表情，喺英格蘭球迷身上成日見到。

3. 家庭暴力

英國一項長期追踪的研究，針對2002年、2006年，及2010年世界杯決賽周期間的家庭暴力情況，發覺每當英格蘭表現不濟，家庭暴力的個案會大幅飊升，增幅達38%。研究指出，除了因為球隊輸波而遷怒家人外，部份英國球迷在支持球隊落敗後，在性事上亦十分放縱，不安全的性行為情況十分普遍。

研究人員強調，上述問題只在支持球隊表現不濟時先至出現……但係，英格蘭喺世界杯決賽周幾時有好過?

伊朗2014年進入決賽周，球迷甚興奮。

----- 廣告 Ad -----

4. 自殺

2014年，伊朗以2負1和成績，在分組賽出局。當時，德黑蘭有幾宗因球隊落敗而服毒自殺的個案。相反情況在1998年，法國奪得世界杯冠軍，有報告指當年自殺法國的自殺數字大幅下降。

1998年球王施丹帶領法國以3:0擊潰巴西。

講咁多，其實都係希望大家以平常心睇波。正所謂，波係圓嘅，輸咗呢場，下場咪贏返囉!

世界盃又點少得化骨龍!

資料來源: ABS-CBN

Fitz 連結: https://fitz.hk/?p=96652