史上最差的飲食建議，到底係乜？網上流傳一篇由 Authority Nutrition 撰寫嘅文章《Top 5 Contenders For The Worst Nutrition Advice in History》，當中整理咗不同時期不同地方嘅研究，嘗試推翻很多人一向視為真理嘅飲食常識。
誤解1：蛋黃係萬惡
傳統講法係蛋黃含有極高膽固醇，建議一般成年人每星期唔好食多過6隻蛋黃。有關講法相信，蛋黃嘅膽固醇會積聚喺血管，會影響血壓以至引發心臟病。所以，飲食潮流係，大家食雞蛋只係食蛋白，蛋黃就放埋一邊。
但文章指出，蛋黃嘅膽固醇絕非萬惡。相反，佢嘅含嘅膽固醇其實屬於優質膽固醇（HDL）。而且，雞蛋可說是全世界營養最豐富嘅食物之一，含有極高Choline（膽鹼），係製造腦細胞主要營養。此外，雞蛋所含維他命以及礦物質亦比一般食物為高。
----- 廣告 Ad -----
誤解2：低脂飲食對身體好
過往，無論醫生、營養師、甚至政府，都鼓勵大家要食少啲脂肪，食多啲碳水化合物。話脂肪（無論飽和或不飽和）會引發高血壓、糖尿病、心臟病……不過文章提出，西方政府雖大力鼓吹低脂高碳飲食，但咁多年來，肥胖症以及二型糖尿病嘅病人不跌反升，似乎這種主流思想缺乏科學支持。
文章引述了一個被籲為營養學界最大型、以及最昂貴的科學性研究。該項研究搵嚟四萬八千名女性，進行長達八年的追踪。研究推翻低脂飲食對身體好嘅講法，佢哋發現食低脂嘅組別，同正常飲食嘅人相比，體重只係差0.4公斤，而心臟病以及癌症嘅發病率亦都係一樣！
文章提醒大家，低脂飲食最大問題係，大家唔食脂肪，走去食碳化合物。而碳水化合物可提升血糖，引發糖尿病！
誤解3：卡路里係食物全部
一般講法以卡路里計算食物份量嘅單位，例如一餐麥當當有幾多卡路里，一碟乾炒牛河又幾多……
不過文章指出，食物嘅營養成份先至係影響身體功能。例如高蛋白食物能為身體爆發更多能量，而且唔同食物都有唔同飽足感。所以我哋嘅飲食應先考慮食物嘅營養，而唔係去計佢啲卡路里。
----- 廣告 Ad -----
vegetable oil
誤解4：粟米油籽油多多唔怕食
近年唔少人大力推廣嘅「種子及蔬菜類食油」，包括粟米、油菜、黃豆和棉籽等。佢哋相信呢啲食油有「多重不飽和脂肪」（polyunsaturated fats），話可以降低膽固醇。
不過，文章強調，膽固醇未必係心臟病嘅元兇，而呢啲食油仲有過多嘅Omega-6，若Omega-6吸收多於Omega-3，就會破壞身體細胞。而某些所謂健康食油，其實在高溫處理後會釋出毒素，消費者若只留意其營養成份，往往中招而不自知。
誤解5：人造牛油好健康
呢十年八年嚟，唔少講求健康嘅人或素食者，都轉用人造牛油（margarine），而棄用由牛奶生產嘅天然牛油。好多人以為，人造牛油比較健康。
文章指出人造牛油由一大堆化學品（主要成份係氫化植物油脂）製成，對人體嘅壞影響，一定多過天然製造嘅牛油。
我再作補充。人造牛油（margarine）係喺19世紀發明。撞啱英國工業革命興起，農村嘅人不斷湧到倫敦、利物浦等城市打工，令大城市食物不足。當時未有雪櫃，儲存牛油等奶類食品有困難。於是，英國人就引入法國人發明嘅人造牛油，最後城市可聚居大批工人，英國工業發展得以起飛……
既然當年啲人造牛油係畀嗰啲似足奴隸嘅工廠工人食，仲點會比天然牛油有營養？
資料來源：Authority Nutrition
更多：
Fitz.hk Facebook專頁
做完運動 竟然飲佢最好!?
增強肌肉訓練 Muscle Hypertrophy(營養篇)
Fitz生活文章
----- 廣告 Ad -----
