同日發現第9、第10塊維多利亞城界石．「堅持」令秘密重見天日

圖: 發展局網頁

早前民間人士於龍虎山叢林發現第8塊維多利亞城界石，引發更多市民依線索去搜尋其他失落界石。終於於12月12日一日之內，發現第9及第10塊界石。

於龍虎山叢林發現的第8座界石。 相片提供: Historical Walk HK「香港行跡」

根據歷史地圖推算界石位置，香港歷史研究社在玫瑰崗及摩星嶺發現兩塊新界石，令已被發現的維多利亞城界增至10塊 (現存9塊，馬己仙峽道界石已失落)。

第9塊界石

「香港歷史研究社」公佈於「等高線東端」發現第9塊界石，位於玫瑰崗。佢哋話，已經喺有關地點搜索多年，終於都成功搵到界石，好值得讚揚佢哋嘅堅持。

第10塊界石

有關人士發現第9塊界石之後，同一日喺摩星嶺發現第10塊界石。佢哋提醒公眾，第10塊界石位置危險，切勿冒險前往。

香港不再有秘密?

電視節目《香港秘密搜查官》開場白:

「有人覺得香港唔再神秘，唔再神奇，但呢度其實仲有無限奧秘，靜候我哋探索。有啲秘密每日都擦身而過，有啲秘密，秘密到你根本唔知佢係秘密。出力搜查，可能會徒勞無功，亦可能會經歷最意想不到嘅劇情展開。」

感謝呢批香港人嘅堅持，證明只要有毅力，大家都可以令「秘密」重見天日。