網民喺大埔發現嘅非洲大蝸牛
早幾日「大埔人大埔谷」有網民發佈圖片 (上圖)，話見到好大隻蝸牛，仲話「成隻手掌咁長，行過見黑 媽媽仲以為係老鼠。」有唔少「大埔人」留言，話呢啲咁大隻嘅蝸牛不時喺大埔出現，甚至喺人流眾多嘅大埔中心一帶亦見過。
大埔人發現嘅大蝸牛
外來物種具威脅性
呢啲咁大隻嘅係「非洲大蝸牛」 (Giant African land snail)，又稱為「褐雲瑪瑙螺」或「日本大蝸牛」，身長 (包括殼) 7至10公分，最高可達20公分。原產地為非洲東部，上世紀初葉開始擴散至亞洲，現時中國南部福建至廣東一帶都可見其踪跡。
----- 廣告 Ad -----
注意: 非洲大蝸牛滿佈細菌，無帶手套唔好立亂掂佢。
《香港商報》引述國內文獻，話上世紀中葉有人從新加坡運到廈門嘅植物發現「大蝸牛」嘅卵同幼螺，其後於中國落地生根，成為新中國首批16種外來入侵物種之一。因為「大蝸牛」食量驚人，佢哋可以大肆破壞農田，肚餓時更可吞食水泥，為極具威脅嘅害蟲。
而且「非洲大蝸牛」身上滿佈細菌，包括佢嘅黏液同糞便。而最具威脅嘅，就係佢身上嘅「廣州管圓線蟲」，可經由接觸者傷口進入人體，導致腦膜炎或失明等疾病。
廣州管圓線蟲感染率高達40%
廣東省有統計，廣州管圓線蟲感染率於幾個地區相當高:
- 廣州: 27.30%
- 深圳: 31.00%
- 江門: 41.30%
多個國家 (包括中國) 都指示國民，遇到非洲大蝸牛時應該主動撲殺，方法係向蝸牛灑上食鹽，蝸牛會軟化而死。不過去年香港有人喺尖東用鹽灑向蝸牛令其死亡，結果警察以虐畜罪名將佢拘捕，所以大家喺香港見到啲非洲大蝸牛，都係走為上著算嘞。(注意: 其他蝸牛唔好殺)
蝦里
去去，武器走！