近日 Facebook群組「香港街市魚類海鮮研究社」 有人發帖，話喺新界東某處山澗釣到九條錦鯉，基於「人一世物一世乜都要試下」嘅原則，拎返屋企整咗碟「薑蔥煀錦鯉」。試過之後，話錦鯉原來幾好味，只係太多骨。
不過，食物安全中心就話，錦鯉屬觀賞魚，飼養方法不會顧及食物安全，例如飼料會加入人類不適宜食用之添加劑 (如孔雀石綠)，如果進食此類觀賞魚，可能會影響健康。
----- 廣告 Ad -----
早前有人喺大埔溪澗發現錦鯉，而呢啲觀賞魚類係會影響環境生態。總之大家唔好放生之餘，喺野外見到都唔好釣唔好搞。
大埔山澗見到嘅錦鯉
永誠
講求綠色、環保、天然的健康生活。推廣新一代健康生活文化。