武漢有兩名大媽行公園，手多仲口多多，卒之搞到齊齊入醫院。
是咁的，呢兩名大媽姊妹情深，相約到公園短聚，佢哋入到公園見到有棵鐵樹，開花之餘仲有好多果實。正所謂「鐵樹開花，六十年一見」，佢哋諗:「呢啲果實咪好矜貴?」 於是有理無理，唔理圍觀途人勸阻，將樹上嘅果實摘落嚟食。其中一名大媽仲邊食邊話:「幾清香喎。」
兩個鐘之後，兩名大媽出現胸悶、噁心、嘔吐等症狀，於是立即去醫院求診。
經醫生診斷，佢哋因為食用鐵樹果實導致中毒。好彩佢哋唔係食咗好多，未對身體造成嚴重損害。當地醫院中醫師話，鐵樹果係中藥藥材，有消炎止血、鎮咳祛痰功效，不過種子有毒，輕則頭暈、嘔吐，重則可致神經麻痺、肌肉萎縮、肝腎功能衰竭，甚至窒息致死。
----- 廣告 Ad -----
資料: 新浪網
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。