唔少人驚朝早瞓過籠，鬧鐘響一次都唔醒，為求保險就會 set 幾個響鬧。不過，專家話呢個做法其實會令人體累積更多疲勞，瞓咗都補唔返。
韓國 Youtube 頻道 알고보면 (如果你知道點讀的話) 以真實個案探討呢個問題。有家庭主婦每朝大清早要照顧小朋友，佢為咗準時起身，就一次過set好多次鬧鐘，喺臨起身嘅時間大概每隔5分鐘響一次。太太好擔心咁樣會影響健康。
腦部腺苷令人感疲勞
韓國睡眠專家解釋，人清醒嘅時候，腦部會釋放一種叫腺苷 (adenosine) 嘅內分秘，腺苷會積聚在腦部，到一定水平後腦部會發出訊息叫你休息。到你到達深層睡眠時，腺苷就會停止分泌並被排走，頭腦再次清晰。
專家話，如果唔係一次過清醒，而係透過多次響鬧鐘令自己起床，腦部感受到身體仍然處於勞累，反而分泌更多腺苷，長遠來講會造成「慢性疲勞」嘅問題，即係話日常睡眠已經唔可以令你完全休息。
專家提醒，最理想嘅起床方法係瞓到自然醒，如果要靠鬧醒叫你起身，就最好響一次。難就或者難啲，不過畀啲掙扎啦!
----- 廣告 Ad -----
資料: 알고보면 、 香港大學心理學系睡眠研究所
永誠
講求綠色、環保、天然的健康生活。推廣新一代健康生活文化。