美國有消費者組織，用咗4年時間，研究市面超過60種嘅防曬霜以及防曬噴霧，發覺超過一半嘅防曬產品，所標明嘅SPF防曬指數，同實際嘅差別好大。其中一款，標明SPF 50嘅產品，實際只係8！
呢12款美國產品，就畀佢哋搵到個差別好大：
----- 廣告 Ad -----
負責研究嘅組織補充，生產廠商標明嘅SPF同實際有出入，並唔係話佢哋生安白做，亂咁作嘢。實情係，生產廠商提供嘅數字，係喺一個超現實嘅理想環境做測試而得出。所以如果喺現實環境之下，佢哋嘅產品嘅效用就會相差好遠。呢啲情況包括空氣中嘅濕度、人體嘅汗水等。
不過，消費者除咗注意產品嘅品牌外，亦需要了解防曬產品嘅作用。好似話，歐盟就明令禁止SPF超過50嘅產品公開發售，原因係SPF越大，防曬嘅功效未必更好。過份倚賴防曬產品，分分鐘會令自己受傷。
防曬冷知識：
1. SPF全稱係Sun Protection Factor，係描述防曬產品嘅防曬程度，理論上數字越大就具保護。
2. 受影人體嘅太陽光線，分別UVA同UVB兩類。UVA嘅穿透能力較高，會引發皮膚癌等疾病。UVB會造成皮膚較表面傷害，即係一般燒傷。
3. SPF所針對嘅，就係UVB。而家亦有產品有防埋UVA，大家可留意。
4. 醫學角度嚟講，最佳嘅防曬方法，就係遮蔽身體，完全阻隔陽光。甚至喺太曬嘅時候，避免進行戶外活動。
資料來源：consumerreports.org、hkfairtradepower.com
更多：
Fitz.hk Facebook專頁
[防曬飲食大破解] 讓人跌破眼鏡的五種實證美白營養素
夏日防曬防蚊方法
夏天多曬易長斑 原來是吃了這個
Fitz 生活 Life
Fitz 編輯部
我哋坐唔定、無時停，唔做運動唔舒服! 只要係有用知識、重要資訊，以至好玩話題，Fitz都會全力搜羅，同時鼓勵「郁民」齊齊參與，打造一個開放嘅運動生活資訊平台。