曾幾何時，香港人唔單只唔使飲東江水，連糧食都可以不假外求：魚、雞、豬、蔬菜，甚至白米都有出產。今日有人話，無咗大陸，香港人食屎。咁70年代以前嘅香港人，食嗰啲係咩呢？
除咗上述農產品外，香港亦曾經有鮮奶農場。講緊嘅唔係雷公田嗰個，而係香港第一間鮮奶農場。
呢個就係前牛奶公司位於薄扶林嘅置富山谷，成立於1886年。最初，有英國人聯同香港商人合共投資3萬蚊，除咗興建牧場，仲係英國買咗80隻乳牛，用以生產牛奶。到二戰前高峰期，佢哋仲養過差唔多一千隻牛，係當時遠東地區最大嘅乳牛牧場。
牧場於1983年關閉，而置富山谷一直未有任何發展，牧場嘅格局、建築等亦得以保留。而近年，隔離嘅牛奶公司嘅宿舍以及辦公室，已被政府列為受保護文物，但係牧場卻不受重視。
置富山谷除咗具有歷史意義之後，亦具有相當嘅生態價值：
----- 廣告 Ad -----
- 喺當地發現瀕危嘅短腳角蟾同易危嘅小棘蛙
- 該處有35棵達古樹標準的細葉榕，另已證實和記錄的還有8棵受保護的廣東紫薇。
- 35棵古樹當中，一些古樹的根與牧場古蹟互相交纏，人造物與天然環境和諧地共處，是香港擁有大量古石牆樹的地方之一。
- 圍繞置富山谷和毗鄰的雞籠灣綠化地帶觀察到有六十多種鳥類包括一些候鳥。
- 薄扶林嘅地質屬於大型的火山岩褶曲結構，喺香港非常特別。
最近，有團體發現，置富山谷已被列入住宅用地項目，推土機一到，所有嘢都會煙消雲散！
佢哋而家搞聯署聲明，希望可以喺牧場原址建立生態古蹟公園，並將牧場列為一級歷史建築，以保留呢啲香港人嘅歷史回憶！
更多：
Fitz.hk Facebook專頁
[學好廣東話] 北潭凹 鉛礦坳 咁都有得拗?
[行山友剋星] 石屎山徑一條都嫌多
Fitz Hiking 行山
Fitz 編輯部
我哋坐唔定、無時停，唔做運動唔舒服! 只要係有用知識、重要資訊，以至好玩話題，Fitz都會全力搜羅，同時鼓勵「郁民」齊齊參與，打造一個開放嘅運動生活資訊平台。