「舉中指」普遍被視為無禮、粗魯嘅不雅手勢，最近美國密芝根州 Kalamazoo University，就對呢啲手勢及粗口進行研究，審視佢哋對人類嘅精神同身體有咩益處。
結果大學團隊研究發現，部份不雅手勢會令身體有止痛作用。佢哋向一批自願人士進行研究，先將佢哋一隻手放入冰水，再要求佢哋做出各種手勢及講粗口。測試後發現「舉中指」平均能忍受嘅痛楚達到125秒，為眾多手勢排名最高，比其他正常手勢嘅平均時間多出大約12秒。
研究人員解釋，大家講粗口或者畀不雅手勢時，往往會有好多聯想，可轉移對疼痛嘅注意力，因而減輕疼痛感。可惜嘅係，研究人員應該無人講廣東話，相信廣東人嘅「國罵」應該可以更加有好表現。
東莞袁崇煥像，下面係佢嘅廣東話金句
資料: The Sun
永誠
講求綠色、環保、天然的健康生活。推廣新一代健康生活文化。