事發於安徽蕪湖市第一中學
安徽蕪湖市有中學踏入新學年後，驚學生放暑假太懶無做運動，就同佢哋進行「跑操訓練」。不過，有部份高三 (即係香港中六) 嘅訓練，絕對唔係人咁品:
- 100次深蹲
- 圍校園跑兩圈 (約4公里)
據了解，事發於8月底，當時天氣相當酷熱。全班三十幾名女學生，訓練之後全部出現不適，其中13名學生患上「橫紋肌溶解症」，需要住院甚至洗腎，另有15人要留喺屋企吊鹽水。
事件受到當地高度重視，學校喺個幾禮拜後終於抵受唔住壓力，要向公眾解畫。不過，唔少人覺得學校回應只係轉移視線，逃避責任。
橫紋肌溶解症
橫紋肌溶解症 (Rhabdomyolysis) 源於身體受傷，常見發生於過度做運動引起的肌肉受傷。肌肉受傷時，壞死細胞釋放嘅物質會流入血液，導致各個器官出現問題。常見嘅併發症有腎衰竭、肌肉疼痛，甚至影響四肢活動能力。美劇《醫神》(House M.D.》主角 Dr. House 就因為呢個病，右腳不良於行。
要避免橫紋肌溶解症出現，除咗要控制做運動嘅強度及時間，做運動後亦要多飲水，沖走留喺體內嘅殘留物質。
----- 廣告 Ad -----
