香港田徑總會計劃今年再辦香港馬拉松，並表明比賽日期為11月19日。署理體育專員鄭青雲表明，當局雖未收到田總申請相關資助，但仍會支持賽事，更表示同意田總加大參賽名額。
英文虎報幫田總計數，以2019年名額同剛完成嘅比賽對比，計一計11月嘅比賽田總可以收到幾多報名費:
| 賽事 | 名額 | 報名費 | 報名費收入 |
| 2019年 | 74,000 | $450 (全馬) $400 (半馬) $360 (10公里) |
2940萬 (虎報計算) |
| 2023年2月 | 37,000
全馬 5500 |
$600 (全馬) $520 (半馬) $420 (10公里) |
1768萬 (Fitz計算) |
| 2023年11月 | 74,000 (估計) | $600 (全馬) $520 (半馬) $420 (10公里)(上述報名費為估計) |
3700萬 (虎報估計) |
有關媒體假設11月的馬拉松會回復疫情前74,000名額，而報名費亦維持本屆水平，結論係田總在報名費可得到 700萬的收益。要注意就係，呢一類大型賽事，田總可以得到政府於資金及行政上支援，兼且可取得巨大嘅商業贊助。田總可以話係「豬籠入水」。
圖: 網上圖片
----- 廣告 Ad -----
600蚊報名費物有所值?
今屆2月份嘅渣馬大幅提升報名費其中一個原因，就係話要包含核酸檢測等防疫開支，所以11月比賽如果減少相關支出，理論上名費應該可以平少少。不過，今屆賽後有不少選手投訴大會安排失當，大嘆要「回水」。
其中以行李寄存安排最備受爭議，放寬疫情後未能安排即日寄行李，預早寄存時更要受嚴格檢查，飲品、雨傘都唔可以放入去。
相信大多數跑友都唔反對搞多幾場馬拉松，不過田總如果想提升本港長跑比賽水準，就唔係盲目增加比賽場數，而係改善一下賽事嘅安排。
蝦里
去去，武器走！