墨西哥女將被恥笑似隻豬 2
Alexa嘅體操姿態其實相當優美。

99磅呢個數字,相信係唔少女性嘅目標體重,不過,呢位墨西哥體操女將,竟然畀人話佢肥,搞到連Twitter都要Del埋。

呢位叫Alexa Moreno嘅選手,今年22歲,參加奧運嘅體操5個項目。成績雖然唔算係前列,不過亦唔算差,所有項目都能夠順利完成,一場都無失拖。其中,佢喺跳馬項目仲係排名12,雖然都係入唔到決賽,但仍然贏到唔少高手。

不過咁,墨西哥國內就有班人對佢相當唔客氣,竟然喺Alexa嘅Twitter,貼滿侮辱性留言,大多數係話佢肥,一啲都唔似體操運動員。

唔使翻譯,都估到呢條膚淺友嘅留言講乜。
唔使翻譯,都估到呢條膚淺友嘅留言講乜。

事實上,Alexa嘅體重係合乎比例,佢4呎11吋高,體重99磅,可以話係喺標準範圍之內。而睇番佢今屆奧運自由體操嘅表現,臨尾以直體後空翻兩周落地,絕對係清脆利落。嗰班友只識笑人身材,體操嘅嘢,佢哋真係識條鐵咩。

可惜係,Alexa敵唔過嗰班膚淺友不斷洗板,已經刪除佢嘅Twitter帳號,不過好在有越嚟越多人出嚟撐Alexa,希望呢啲說話唔會影響到佢啦,繼續努力呀!

資料來源:Daily Mail

更多:
Fitz.hk Facebook專頁
[郁民轉載] 澳門人與奧運的咫尺天涯
[里約奧運] #撐自己人 撐本土 香港划艇隊
[里約奧運] #撐自己人 撐本土 香港劍擊隊
[里約奧運] #撐自己人 撐本土 香港乒乓球隊
[人人奧運] 丹尼爾 x 黃蘊瑤 與鐵血女車神一盅兩件
[一個傳奇的誕生] 丹尼爾 vs 陳恩能 愛做有意義的事

首頁 > 運動 Sports > [里約奧運] 慘慘豬! 墨西哥女將被嘲笑似隻……