[里約奧運] 盛事裡的洋蔥

字縮小字型大小。字重設字型大小。字放大字型大小。

星期五晚葉珮延開賽前，丹尼爾到現場為她打氣，可惜最後落敗。

大台播奧運，唔少人由開幕開始，鬧到而家都唔收口，不過筆者係典型香港人，又要鬧又要睇，因為真係無選擇。

正所謂，十隻手指有長短，大台有啲嘢做得唔好，不過點都有啲地方值得讚賞。其中一樣，就係搵咗我偶像丹尼爾遠赴巴西採訪。 (仲有一位要讚嘅，係晚晚同黃興桂喺明珠台講游水專家陳sir，佢真係一部游泳界活字典！)

上次筆者訪問丹尼爾 (見《[一個傳奇的誕生] 丹尼爾 vs 陳恩能愛做有意義的事》)，佢已多次表明，喺工作上，佢會堅持「做有意義嘅事」。佢呢次做嘅故仔，係講奧運嘅「難民隊」：

(TVB節目片段，截自丹尼爾Facebook專頁)

而丹尼爾喺蘋果日報嘅專欄，亦以文字記載更多細節。丹尼爾話佢採訪難民隊嘅柔道代表，佢嚟自剛果，因為戰亂慘遭父母遺棄，連父母兄弟都未見過一見。

----- 廣告 Ad -----

丹尼爾寫道：

「我問了記者會最後一條問題：既然全球電視台都在這裏，請問，你有甚麼想跟失散多年的家人說？現流落巴西、將代表難民隊出戰奧運的他深呼吸後說：『我有兩個兄弟……失散多年，我不知道他們的樣子（輕擦眼淚）……（直望鏡頭）如果你在電視看到我，你就知道你的兄弟現時在巴西……alive and well。』話音未落，他已伏在桌上哭成淚人。他的名字，叫Popole Misenga。」

圖: bento.de

作為觀眾，我希望能夠到巴西採訪嘅記者或主持人，珍惜呢個咁難得機會，好好發掘一些「人」嘅故事，而唔係去讚嘆「林丹好靚仔」、「菲比斯好友善」乜乜乜。

雖則咁樣俾丹尼爾搞一搞，洋蔥會大賣，不過，洋蔥當造，唔怕斷市！

----- 廣告 Ad -----

訪問劍擊手張家朗，丹尼爾問：「你係咪撐中國男籃？」，同樣令人細味。

圖片及短片截自：丹尼爾 vs 陳恩能 Facebook專頁

家聯

為何要運動？去公園看看那些四五歲的小朋友，從跑跑跳跳所得來的喜悅吧！勿忘初衷，運動會令人快樂，難道我們都忘記嗎？