1. 攀石係唔係需要好強既上身或者手指力，好似 Laughing 哥咁?
2. 點解攀石又叫「牆上的芭蕾」呢?
兩個迷思一次過答，好多人覺得攀一定係用強勁既臂彎去解決問題，咁斯斯文文嘅女仕咪唔使玩? 其實攀石主要係用腳，再仔細講，攀石同芭蕾舞員一樣，用腳指公前端部承擔身體重量並推進，君不見多少攀岩女神動作優雅，腳嘅擺位同移動配合身體的平衡，流帶節奏感，一呼一吸猶如舞蹈；當然，當你爬到8仔 (即 Grade 8 嘅線) 就需要用手指及上身力嘅力。曾有前輩講過: 7B+ 之前都可以用技巧解決，7C 才要一點點力!
3. 攀石會唔會好易受傷㗎?
大部份受傷案例都係室內抱石場，室外多人為出錯，更多是過份操練而受傷，受傷機率同一般運動相近。
有一個案例，有位攀岩朋友有一日受傷，但受傷原因係因為打藍球傷了膝韌帶，再繼續去攀石所以加重傷患。其實，我建議年紀大就唔好玩太衝擊型運動啦，反而可以轉玩攀石，因為攀岩係一門靜態藝術，可以玩到長壽100歲㗎 (會揾一次介紹一位歲仲 lead outdoor 5仔的伯伯比大家認識)
4. 攀石高手驚唔驚Fall?
呢個問題幾值得探討，小編認識即使係能完攀8仔的攀手，都依然係驚 Fall 㗎! 其實，Fear of Fall 係人類身體 built-in 的安全機制，係我哋保護自己嘅自然反應。Belayer 同 fear of fall 都有密切關係，如果由一位同你很有默契、你很信任的人做 belayer，會減低你的心理壓力，你可專注攀爬，因為你知道可將自己的安全交在佢手中。
對 fall 的心理壓力，其實可以透過訓練來控制或調節，多啲「練 fall」 ，練好 fall 嘅動作同反應，亦都可讓自己比較「習慣」fall 的恐懼。所以，我哋會「未學爬，先學 FALL」，就係咁解。
至於因為 belayer 做得唔好，或者 fall factor 太大，都會增加 fall 的受傷機會。這個可留待下次再講。
5. 攀岩年齡有無限制?
小編 belay 過最細2歲至76歲的 climbers。有去西班牙攀石比嘅朋友可能都知，70 歲仍有人 project 緊8a，所以限制不在於年齡，而在於心態!
大家又點睇，你覺得《攀石迷思》又係啲咩? 無論你係新手或前輩，都歡迎分享，加入討論。
----- 廣告 Ad -----
Wilderness Explorers HK Facebook 專頁
