Day 3 高雄 → 四重溪 95km
是日休息日踩95km (謎音：算是什麼休息⋯⋯冏)，個天萬里無雲，實情就係熱到我暈，所以一見到小7就即刻食野避暑!
過埋呢條橋就離開高雄，前往屏東
當我尋日笑 Michael 成日爆胎之後，今日終於輪到我爆胎喇! (真係風水輪流轉) 仲要搞到去單車舖換外胎先搞掂，好彩起碼係上壽卡之前就爆胎，順便可以執靚架車。
之後就係沿海一直踩，望住台灣海峽踩車簡直係人生一大享受！下午嚟到山海觀 7-11 坐擁無限海景，係值得停低休息下，影個靚相，望住個大海食下午茶。咁啱見到一班揸電單車嘅台仔台妹，講起話我哋要7日環島，佢地都O咗咀。
快樂不知時日過，話咁快就到黃昏時份。點趕路都好，都要停低影下 chok 相嘅。
----- 廣告 Ad -----
天黑前終於去到車城喇! 果度有間福安宮，好熱鬧而又好平化，肚餓當然就停低食下地道小食，睇下 Michael 食得幾開心。
最後我哋爆多5公里，去到四重溪。點解會去四重溪呢? 因為果度係上壽卡嘅入口之外，亦係溫泉勝地。 我哋揀嘅北緯22度溫泉旅館超正，服務一流，去開南部的可以順路一去。辛苦咗3日，終於可以歎返一晚咁多喇! 食個晚餐，浸個靚溫泉差個電，同時向台灣西部 say goodbye!
更多：
Fitz Facebook專頁
[七天單車環台遊記] Day 1 台北 嘉義 286km
[七天單車環台遊記] Day 0 瘋狂的計劃
[哈比仔穿越撒哈拉] 世間萬物總有愛
最型「死飛」女 Juliet Elliott
Fitz Cycling單車
Ho Lam
九十後傻小子，人愈大愈坐唔定，想用有限時間燃燒青春，鍾意做GYM，行山，打泰拳，划艇，爬龍舟，游水，踩單車同去旅行。