圖：TVB畫面截圖
呢一晚，李慧詩失落獎牌，事後佢強忍眼淚，講咗句：
「其實我個心好痛，傷口嗰啲冇乜所謂，我忍到。我付出咗咁多，冇諗過一撞就入唔到。」
係，我哋同李慧詩同樣心痛。
----- 廣告 Ad -----
事後，無論電視節目、網絡媒體、報紙雜誌，都一窩蜂講一大堆鼓勵說話 (當中有好多相信係講畀自己聽)，話咩「勝負唔重要，最重要係贏自己」、「比賽繼續有，最緊要唔好輸信心！」……
佢哋都講得啱，不過李慧詩，同埋我哋呢啲食住花生嘅香港支持者，同樣會感到「心痛」！呢個係人之常情啫。
李慧詩用咗四年時間準備今次奧運，一心要贏金牌。佢話因為要集訓，有半年未返過香港見過屋企人。對於我哋啲平民百姓嚟講，呢個付出絕對係唔人道 (你諗下你老闆叫你留喺公司半年唔畀你返屋企丫)，而李慧詩亦捱得過。
不過，四年嘅努力，俾人一撞就無晒，佢嘅心情，係你同我都無可能會明白。李慧詩都係人，佢話用咗好多時間先平伏到被意外撞到嘅心情。佢要克服呢關再去出戰爭先賽，已經好難。事後，大家先知道佢其實係帶傷上陣，間接令佢喺爭先賽8強，難以應付德國嘅對手而出局。
李慧詩感到「心痛」，我哋亦感到心痛。特別係，當我哋發覺，大家只係當運動員嘅努力係消費品。
其實，我哋甚少以一個「人」嘅角度去看待運動員。比賽前，大家只會視佢哋為無感情，無感覺，只懂得全力爭勝嘅機器，話佢哋發揮咗乜乜乜精神。而當佢哋落敗嘅時候，很多時我哋會要求運動員要堅強，說甚麼「不用絕望」、「好好加油」！
放過佢哋啦，佢哋都平常人，畀佢哋痛痛快快喊一場。
----- 廣告 Ad -----
大家都好好喊一場。
更多：
Fitz.hk Facebook專頁
[里約奧運] 女子馬拉松 姚潔貞名列39 東亞第5
[里約奧運] 男女子馬拉松賽道大拆解
[里約奧運] 水神菲比斯 一日食12,000卡路里!
[一個傳奇的誕生] 丹尼爾 vs 陳恩能 愛做有意義的事
