東方日報報導，全港單車友期待已久嘅新界東西大迴環、全長112公里的「超級單車徑」，可能已經胎死腹中。最新消息話，單車徑主幹線嘅最後一段 — 屯門來往荃灣路段，由於技術同造價問題，當局將會擱置興建，加埋其他路段亦遭到地區強烈反對，開工遲遲無期，名乎其實係「經脈盡斷」。
以下係東方日報報導嘅重點：
— 原定沿青山公路興建1條長22公里的新單車徑，連接屯門至荃灣，但研究有關走線的地理環境後，發現：
- 青山公路的路面空間不足；
- 若要加建單車徑可能需填海，或興建水上單車橋，造價昂貴。
當局現傾向擱置方案，僅於荃灣區內興建1條長約2公里的單車徑，連接海濱公園至麗城花園。
----- 廣告 Ad -----
— 原擬興建的6條分支單車徑，有5條「泡湯」，包括：
- 南生圍及西貢段分支因涉及環境生態或技術問題，已遭當局自行撤銷工程；
- 龍鼓灘段因走線有太多斜路，不適合興建單車徑；
- 落馬洲段會交由河套區發展時才一併研究，意味動工時間遙遙無期；
- 太和段則因涉及砍樹遭地區人士反對，成事機會不大；
- 三門仔段會繼續研究，但該處豪宅相當多，工程會否因居民反對而擱置仍存隱憂。
— 仍未動工的主幹線上水至屯門段餘下工程估計造價近9億元，則確認能夠上馬，當局預計今年底向立法會申請撥款，並於今年內動工，料於2019年完工，較原定計劃延遲達6年。
睇到台灣成條「環台單車徑」都起到出嚟，香港車友，睇嚟永遠只得個恨字。
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。
