[端午睇龍舟攻略] 識得睇 一定睇鼓手

端午節全港有超過10處地點，會舉行龍舟競渡。龍舟貴為當日最應節嘅活動，咁應該點睇先可以盡興？我哋專誠訪問「飛虎龍舟體育會」，講下欣賞龍舟比賽嘅注意事項：

Fitz：全港咁多地方有龍舟比賽，你哋覺得邊場比賽最值得睇？現場睇龍舟又要留意啲乜？

答：每個賽事都各有特色，例如香港國際龍舟邀請賽一連三日在中環舉行，會有來自世界各地的龍舟隊伍。而香港仔的龍舟賽，則會有十條大龍參賽，是全港最多大龍的賽事，所以市民可以按自己的興趣選擇。

現場睇龍舟，當然氣氛更緊張刺激，見到現場觀眾及各隊伍會為運動員打氣，如果睇私家龍的賽事，你會見到各支龍舟隊的漁船排列，漁船上坐满人，旗海飄揚，場面相當壯觀！而有些賽事會擺放攤位，有遊戲或特色拍攝，好似嘉年華一樣熱鬧。

Fitz：龍舟有大有細，點樣劃分？

答：龍舟可分為：12人嘅小龍；24人嘅中龍；48人嘅大龍。龍舟通常用纖維或木製，而常用的木種有柚木和坤甸。一般每條幾萬元，木龍會較貴，最少7、8萬隻。

而三種龍嘅賽事都有唔同看點：
小龍：因為每隊需要的人數較少，容易組隊參賽，所以可以欣賞到最多不同隊伍參賽。

中龍：因為無論合作上、技術上、體能上對隊伍要求較高，速度更快，輸贏相當接近，所以賽事相對小龍會較刺激。

大龍：是三種龍舟中人最多，最要講求合作、節奏、策略，相對更刺激。

Fitz：用運動角度去睇龍舟比賽，有咩要注意呢？係咪剩係爬得快就係勁？

答：可由多方面去睇：頻率、力度、入水深度、入水角度、划幅、節奏、合拍度 (即整齊度)，一般而言，頻率高、入水深、力量大、划幅長，而成條龍動作與節奏是一致的，條龍理論上就會做到最高速，最快，但實際上要視乎隊員的特性，適合那一種方法，例如消防員有足夠體能，當然可以划較高槳頻，但例如年紀較大的運動員，心肺未必可以支持到，但技術較成熟，每槳划得夠深，食水較好，那麼寧願以較低槳頻去划，效果可能更好…所以龍舟訓練要體能與技術兼備，但教練則以按運動員特性去調節不同方法…

Fitz：我覺得鼓手好有型！點睇得出一個鼓手好勁？

答：理論上鼓手是利用鼓聲，帶出節奏，讓成條艇跟齊槳，但在比賽嘈雜的環境，當鼓聲齊起，隊員其實聽不清楚自己的鼓聲，所以實際上鼓手在比賽場上最重要的角色，是能靜觀形勢，他是整條龍唯一能清楚看到其他隊伍的人，所以他會按形勢去告知隊員應該點做，例如如果是搶頭領先，但見其他隊伍一板板追上來，鼓手就要適時起鼓，或以其他方法去給隊員指示，例如吹哨子，告知隊員要加力等等…而成功的鼓手，還應該熟識隊員的能力與強弱處，能夠善用他們的優點，再加上情勢的需要，而作相應的配合與指示。

Fitz：今年端午節你哋飛虎會參加咩比賽？備戰工作點樣？

答：飛虎龍舟隊的基地是香港仔，端午節當然會留守香港仔的大龍賽。備戰大龍賽，需要為大龍做開光、拜神、落水的儀式，當然亦需要訓練比賽的路程，還有是夾龍練習，因為大龍與中龍的頻率不同。

平時訓練，除了水上訓練，還需要操體能，跑步游水練心肺，重力訓練肌肉強度，有些人會用划艇機進行訓練，亦會特別獨立做些強化扒龍舟會用到的肌肉的練習，例如練背肌。

大家記得端午當日去香港仔海傍道海濱公園，同飛虎龍舟體育會嘅大龍打氣啦！

特別鳴謝：飛虎龍舟體育會

更多:
Fitz.hk Facebook專頁
[講勻10區] 端午節去邊度睇龍舟?
[世界龍舟俱樂部錦標賽] 比勝負更重要的東西
[世界龍舟俱樂部錦標賽] 遇強越強
Fitz Dragon Boat 龍舟