上星期六7月25日，英國政府批准英格蘭嘅健身室同游泳池重新開放，有連鎖健身室就急不及待，選擇凌晨零時開門，點知引嚟大批民眾排隊，急不及待半夜做 gym!
受疫情影響，英國健身室已經連續關閉126日，限制放寬之日，David Lloyd Clubs 決定踏正12點開門，大批喺場外排隊嘅健身愛好者，一入場就受到熱情招待，仲獲邀參加一節 “Blaze” 高強度 HIIT 課堂，夜媽媽做啲咁劇烈嘅運動，會唔會搞到瞓唔著架?
按照英國政府要求，健身室恢復營業期間，健身器材必須相隔一定距離，員工必須注意衛生外，顧客亦需要定期洗手。雖然更衣室開放，但建議健身人士最好先換好衫健身，做完返屋企先至沖涼。
----- 廣告 Ad -----
疫情期間，香港唔少健身中心都大受大擊，希望重開之日一樣好似英國咁好反應，大家都要掙扎呀!
資料: metro.co.uk
Fitz 編輯部
我哋坐唔定、無時停，唔做運動唔舒服! 只要係有用知識、重要資訊，以至好玩話題，Fitz都會全力搜羅，同時鼓勵「郁民」齊齊參與，打造一個開放嘅運動生活資訊平台。