假如你和太太同時看見，誰會先崩潰?
2021年7月7日，你拖住老婆逛老尖，在天星碼頭她看見那幅超巨型廣告布幕，即時掩咀尖叫，那雙放著高 volt 數電量和愛情的眼神，你已多年未曾見過。她拋下了你，忙著影相出 post (一齊selfie? 你諗多左)。那晚她著你自己買飯盒，她整晚 loop 住唱「神隊友」，loop 住聽「蒙著嘴說愛你」，而你卻 loop住食飯盒。你沒有其他出路，決定加入那個16個字的苦主大聯盟: 我老婆嫁左比Mirror導致婚姻破裂關注組。
面對 MIRROR，好多男人(特別是中年) 都會低頭或搖頭，內心 bubble:「頂，我真係好唔妥你!」其實 MIRROR 是一塊真的鏡子，你唔妥嘅，係自己。
總數應該六件的腹部 (參考 Edan 圖)，化為懷有身孕的一個山丘；應該強勁的臂彎，變成弱勢肌群，還有那對未P圖前的黑眼圈。要 KO 你，不用出 Anson、Edan、姜B呢個級數，求其在跑班搵個上了3個月堂的同學，已可技術性擊倒你。話時話，上次你跑5K以上，或做超過30分鐘心肺運動是幾時嘅事? 1，2，3…..，答唔出，即係答左。
----- 廣告 Ad -----
是否應立法監管下呢啲post? @Edanlui instagram
MIRROR，指鏡子，其實是我開始跑步的原因和動力。幾年前的一天我照鏡，見到前面的一名陌生男子，不，是大叔，不，是樣衰的大叔，有齊上面種種特徵 (另加髮線向後移民)，感到蒼涼唏噓中帶少少徬徨。大叔不能只得愛，而沒有身形。不能只睇歐洲國家盃爆粗，而不落街爆汗；不能鬧人廢青，自己卻左手啤酒右手電視遙控度日，太不長進了!
MIRROR 反映自己，你面對的話，會令人產生焦慮，而大部份改變和踏出舒服區的動力，都是由焦慮帶動。那些有自我實現 self actualization 能力的人，根據心理學家 Abraham Maslow 的研究 (“ A theory of Human Motivation” 1943)，只屬於極少數的人。你當住唔係你先，不如照下鏡，產生危機感啦。
來源: 我老婆嫁左比Mirror導致婚姻破裂關注組 Facebook
有一天在16個字群組，我見到呢個 post，其中引述森美大哥 (咁樣稱呼森美要衝破不少心理關口) 說: 「靚仔係個天俾你，身形係對自己嘅要求!」
我冇 fact check 是否出自森美大哥 (講多幾次會慢慢接受到) ，anyway，我好認同，雖然未曾做到。有人說，20歲後你的外貌，不關父母親的事，而是你對自己的要求。
連森美大哥都搞成咁 ontvb.com
----- 廣告 Ad -----
男人好女人好，大叔好鮮肉好，外星人好地球人好，做人對自己要有要求。加入跑班，起初我對教練有要求，因為交左學費。然後教練基於同一原因，對我有要求:
阿孫，你10K要做4分尾披啦。
阿孫你搞乜鬼呢排大左半個碼，唔可以再食炸雞翼。
阿孫，一陣跑圈你要守住，唔好俾E同學界你。
教練的要求慢慢轉化成對自己的要求，繼而變成動力，keep 住不放棄。班中亦見證更多不用教練叮嚀，也對自己有要求的同學，他們每天晨咁早起床去跑、jog 斜路、放假去做長課 (近日變成了肯亞人)，不飲含糖份的飲料，還有那位已年愈60的跑班同學 May 姐，要求自己今年要完成埋六大馬中最後一馬，在34度的高溫下開操。
「世界上沒有醜陋的女人，只有懶惰的女人。」(男人都係!) 真，這些對自己有要求的同學，不但身形亮麗，他們都堅毅求進，散發著一股熱愛生命和自己的氣場，好 charm。只要對自己有要求，你就美麗，你老婆會好愛 MIRROR – 中的你!
