連日下雨， 我只好躲進gym裡跑 treadmill 同做core 練習。
除了Admirable同southern外， 另一個香港人經常讀錯的字應該是gym. 當同事見到我拿著Moleskine myCloud 背囊收工時， 他們會問我是否去做『尖』? 另一個問題女同事經常問的就是: 「陳伯， 在Facebook見到跟你一起做『尖』的男性朋友， 個個都彭于晏咁款， 唔知佢哋結咗婚未呢? 未結嘅話， 有無女朋友呢?」
我答:「從未結過婚和無女朋友。」
女同事跟著問:「咁會唔會係窮L， 所以無女呀。」
我接著說:「應該不會， 因為身邊的人都叫他們金融才俊或專業人仕， 有啲係ibank到做﹑有啲係前Salomon Brothers到做fixed income﹑有啲係retain lawyer. 他們愛住羅便臣道， 貪返工方便， 單位是買的。車方面， 佢哋鍾意開Audi.」
聽罷， 她們用bitchy腔問:「咁筍! 無女!? 一定係有暗病、隱疾、精神病或有人格障礙啦!」
----- 廣告 Ad -----
我答:「人哋都不知幾正常， 人又gentleman (食飯一定唔會go Dutch)， nice， 細心﹑ 體貼﹑懂音樂(拉Chello﹑吹Saxophone)﹑熱愛攝影同旅遊﹑有學識﹑有內涵﹑有修養 (Ivy League畢業)﹑有品味但不炫富﹑識飲識食﹑見多識廣﹑不討厭shopping， 陪女仔行六七個鐘頭街都唔會見攰同見尿急， fashion嘅嘢， 都識吓條鐵架， 所以不會語言無味。仲有， 錫小朋友同關心老人家， 死未!」
她們立刻起哄: 「唔好等， 拿拿淋介紹畀我哋識。」
「無問題， anytime， 你哋會好夾， 佢哋同妳哋一樣都係鍾意男仔嘅。」我爽快地答應。
姐妹們即時反枱: 「妖!」
我都是講事實而已。我自小就係美國某個州同其他『尖』work out， 到現在貴為一個阿伯， 我敢說『尖』不會是女仔識男仔的最理想地方。等我逐一細數我見過的騎籬人同事。
----- 廣告 Ad -----
有些男生是不愛穿底橫的
女生在某些情況下是不會穿panties， 例如穿一件個叉開高到上胳肋底的晚裝或不想穿super skinny貼身褲時現內褲邊， 這個我明白， 是因為美觀需要。
我是在老蘭的一間『尖』認識柒哥的， 第一次大家肉帛相見時， 他已經不穿底橫的， 我不是蠢到不知道單車褲同有內胆運動褲是不用穿內褲的。是當沖完涼， 抺乾身後， 穿回衣服時， 我未見過他先著內褲， 然後再穿回褲子的。起初我以為他是因為弄濕了底橫或忘了帶spare， 後來方發現原來他是不愛束縛， 喜歡自由奔放， 盪下吓盪吓的感覺。
用王家衛簽名式電影讀白來表達是「我同阿柒個抽嘢最接近時只係相隔著一塊零點零幾公分的denim.」我恐懼的不是他的那抽嘢， 個個男人都有， 有什麼好怕。而是每次當他迅速穿回褲子時， 最後一下， 睇也不睇把拉鍊[竄]一聲拉上時， 我都會擦一把汗。不會不小心卡著嗎?
終於一次，太快，發生在Ben Stiller的意外發生在他身上。「唔好淨係識得係度望啦，call 白車呀。」阿柒大聲叱罵我。
更多：
Fitz.hk Facebook專頁
跑步潮語字典 (下篇)
跑步潮語字典 (中篇)
跑步潮語字典 (上篇)
寫給港．跑女的跑步禮儀篇
Yiu Kwong Chan＠Fitz.hk
Fitz Running 跑步
