早排爆紅嘅凍肉運輸工人 (資料圖片)
入正題前, 我先想拆解一個迷思, 身是否一定要在gym裏健呢? 我的epiphany發生在一個星期六的午後, 當時我在漢口道的一間樓上gym work out, 勤力地用器械做腹肌鍛練, 做了一輪, 男生自然會在全身鏡前掀高衫狂照。
照照下, 發現樓下對面街有一條仔睥著我, 大家四目交投時, 見到他口裏吐了一「屌」字, 這男生穿著一件背心, 樣子有點像Zac Efron, 同樣是童顏爆肌 type. 他隨即單手拿起身邊一袋建築廢料一拋,手一揚, 袋垃圾就飄進收集垃圾的貨柜箱內袋垃圾看起來無六十都有五十磅。發力時, 手臂展現出來的是我見過最完美的二頭同三頭肌, 線條係靚到你阿媽都唔信的, 任你怎樣操機都造不到這效果。
Zac Efron
我不甘示弱借意抺汗再拉高衫展示我的六塊腹肌, 他終於脫掉上衣, 展示他的上身。他一除衫, 這一場隔空格劍, 我便立刻敗陣下來。他的身形是李小龍的倒轉聖誕樹, 腹肌像是米高安哲羅給他雕上去一樣, 對稱和紋理清晰。他拿起一大樽水喝起來, 唔知係有心定無意, 硬係要飲到瀉哂嘅, 水不停流落個心口同六塊腹肌上, 再整濕佢個條小如speedo泳褲的牛仔短褲, 水最後滴在他的一雙Dr. Marten 靴上。不是講笑, 當時我是見到慢鏡, 好似Calvin Klein 廣告一樣。我的頓悟是付高昂入會費、月費、聘請教練得來的效果竟不如一個清潔工寓健身於工作中換來的完美身形, 我們其實好戇鳩。正如夢遺法師所言, 將健身落實於生活; 將健身落實於當下; 將操肌融入於工作; 將個人融化於眾生, 阿彌陀佛。
說回係『尖』到媾仔, 中女同事Rachel不信邪, 點都要我帶她去gym到媾仔, Rachel條件好到不得了, 天使臉孔配上令人噴血的魔鬼身材, 人又好相與, 堅係無得輸。要媾仔的話, 啲仔的質素取決於location, location and location. 我們選擇了在中環花旗大廈的一家極高檔的gym.
----- 廣告 Ad -----
女生單拖去gym, 都要些少勇氣。說實在, 我見過一些男生在gym的行為, 對女生而言, 確實幾趕客。
第一種是健身控
他們一日三餐都是奶昔溝類固醇, 一天早午晚都會見到他們在gym打躉, 當『尖』是鐵館, 是幾條佬的浪漫。當走近他們時, 身體會發出陣陣芝士味, 基本上是人repellent. 他們常常圍著台器械輪流每人做幾十set, 各人都唔衰得, 有咁重舉咁重, 出力時會發出野獸交配時的嘶吼聲或人類造愛時的尖叫呻吟聲, 身邊師兄會好似助產士, 鼓勵大聲啲嗌出嚟。
明明每組頭十幾嘢都鞭鞭有力, 到最後一下一定係像洩咗一樣, 垂軟無力, 鬆手任讓鐵餅掉下來, 撞擊時發出『砰磅』的一聲隆然巨響, 嚇得人個心即時離一離。做站姿二頭肌彎舉, 同樣高高將啞鈴扔在地上。地上軟墊子又緩衝得幾多呢? 究竟是什麼心態? 引人注意? 我係女都閃啦。
第二種是露體狂
露體狂未必騷擾到女生, 但認識他們多一點也無壞。在更衣室和浴室, 你會見到各式各樣的露體狂, 他們出沒時, 周遭的人要被迫欣賞他們的胴體。他們會把握每個露械的機會。
我見過男生沖花灑時唔拉簾, 擦到周身泡, 十分嫵媚地洗澡, 還好專注地清潔臀部, 十零廿分鐘唔少得。沖完涼之後, 大毛巾永遠是擱在頸上, 不會圍在身, 大搖大擺行來行去『任劍揮』。最頂癮係他們會在梳妝台前修理毛髮, 剃鬚我無問題。若把一隻腳放在枱上, 然後慢慢替他的米奇老鼠修剪毛髮, 我是會打人的。拜託, 在對的場所做對的事情, 要露就去天體營露個夠吧！
----- 廣告 Ad -----
說回Rachel, 不用一個月便給她上了一件正嘢, 所謂金融才俊, 大行二流分析員, 間中做財經演員, 叫「岑大司」, 住大潭, 牌面贏到開巷。
Rachel個人已經係勁好相與, 最終還是work out 唔到, 點解? 下篇話你知。
更多：
Fitz.hk Facebook專頁
寫給女生看的男『尖』Room風光 (一)
跑步潮語字典 (上篇)
寫給港．跑女的跑步禮儀篇
Yiu Kwong Chan＠Fitz.hk
Fitz Running 跑步
