大家好，我叫Ocean， 今次係我第一次係Fitz寫blog， 請大家多多指教。
今晚同一位朋友傾計， 佢問我公司 Leap 既 Gt 堂係咪一次玩晒定有連貫性， 多謝佢一個 「連貫性」三個字勾起左我想打呢一篇文章。
咁我最想同大家分享既例子，就係我既 0715 隊伍 (原名 Sunday Morning Workout 730) ， 點解想分享，就係佢地係我工作入面最大既推動力。
咁點解會由呢一隊Team講起， 就係本身我有另一隊名叫Z.D.T，有一次有位新朋友inbox我about點樣可以join， 然後佢上左兩次後，就問我可不可以開多一班俾佢，而佢就會帶班朋友落黎。
第一次訓練認識佢地，就覺得佢地係咪黎一兩次就算既呢? 因為佢地都來自不同行業，生活習慣就係極少做運動，飲酒夜訓， 所以係極輕鬆情況下完成，然後佢地都斷斷續續出現，高峰期最多差不多20人，到冬天得5個人，佢地都一直堅持了一年了。
咁同「連貫性」有咩關係呀?
喺我既訓練理念入面，我不是要求所有人都要Fit過張家輝， 索過鄭秀文， 我希望參加我訓練既人，可以經過一星期一次既訓練改善佢既生活習慣。
----- 廣告 Ad -----
咁有人問：「一星期一次有咩用?」
不如放長遠睇下， 一個正常香港既打工仔都會習慣夜瞓，星期5，6夜晚出外消遣， 星期日起身已經去到中午， 如果你地肯星期日朝早0715起身， 你星期六一定不能夠太夜瞓或飲得太夜，第二朝起唔到身。 咁係咪已經有改變?
去番我隊伍入面，我就係因為見到佢地有呢一種轉變，甚至而家男仔平日一晚打拳， 女仔星期四晚就一齊跑步。
大家由零運動既人， 到而家一星期做到 2至3日運動，起碼都係一個最好既鼓勵俾到我，呢一個「連貫性」係直接連貫左你既日常生活。
Btw 0715個名由來：
第一次就係七點半練習，但因為女仕怕太陽，所以由第三次開始轉做 0715 啦 ( 隊名都係咁黎的)
遲下再同大家分享下我運動員之路啦。
----- 廣告 Ad -----
Ocean Leung Facebook專頁
Ocean on Instagram
更多：
Fitz.hk Facebook專頁
[宅女宅運動] 給沒時間的您，準備好了嗎?
要去除脂肪，首先了解原理!
Fitz Fitness 健身
