九月中國隊對澳洲負 0:3
世界杯外圍賽，柬埔寨主帥日前表示:「根據我嘅觀察，睇怕中國隊無機會出線。」明明柬埔寨一早已於外圍賽出局，兼且世界排名174，落後中國成100位。何以佢哋咁大言不慚，而大陸媒體竟然又好重視呢個消息呢?
因為，佢就係日本球星本田圭佑。
出任柬埔寨教練嘅本田圭佑
----- 廣告 Ad -----
本田有幾勁? 論名氣，雖然佢未必比得上大師兄中田英壽或者踢過曼聯嘅香川真司，不過本田足跡遍天下，去過荷蘭、俄羅斯、意大利 (AC米蘭)、墨西哥、巴西、澳洲、葡萄牙、阿塞拜彊以及最新去到立陶宛踢職業聯賽。2018年開始受聘於柬埔寨，以兼職身份出任國家隊教練。
本田日前向媒體指出:「從與日本隊的比賽就可以看出來，中國隊已經淪為亞洲三流球隊了。以中國隊目前的足球水平，他們很難打進卡塔爾世界杯的決賽周。」
就係因為係本田圭佑咁有見識，加上講嘅係事實，所以就算對中國隊批評得咁徹底，大陸媒體亦無咩反駁。
中國晉級要問過越南先
世界杯外圍賽亞洲區已進入12強階段，分兩組進行小組循環賽。中國被編入B組，目前兩戰兩負零分，與越南緊守榜末。10月7日中國作客越南，係兩隊生死戰，得勝一方尚有一線生機爭奪出線機會。
中國隊之所以咁多年都一厥不振，除咗球技、戰術問題，球員同領隊嘅識見，都比其他國家輸蝕好多。
資料: 搜狐
----- 廣告 Ad -----
朱溫
生於亂世，有種責任。這個責任就是做好自己，感染別人。鍛練好身體，才能裝備自己，迎接亂世。