----- 廣告 Ad -----
![[新手必問] 想行山,應該去邊](https://i0.wp.com/fitz.hk/wp-content/uploads/2015/12/新手必問-想行山,應該去邊.jpg?resize=720%2C470&ssl=1)
每逢秋冬周末,大東山都吸引不少行山新手
![香港郊遊徑好多都唔難行,對體力同裝備嘅要求都唔高。](https://i0.wp.com/fitz.hk/wp-content/uploads/2015/12/-想去行山-應該行邊到-e1450275943620.jpg?resize=719%2C442&ssl=1)
香港郊遊徑好多都唔難行,對體力同裝備嘅要求都唔高。
籠統咁講,新手行山揀路線可以考慮以下幾個原則:
----- 廣告 Ad -----
近屋企
香港差唔多區區都有幾座山,而呢啲山頭,大多數都有晨運設備甚至晨運徑。而喺屋企附近行嘅優點,就係較為熟地頭,迷路嘅機會唔大 (因為你至少會認到地區地標),而且又唔使逼車逼船。至於裝備方面,亦可以盡量輕巧,等真係發覺自己愛上行山,先慢慢添置啦。
延伸閱讀:《[區區有山行] 18區行山徑一覽》
![就咁睇相,你未必估到呢到係北角寶馬山。喺天后廟道行唔使半粒鐘,已經去到呢度。](https://i0.wp.com/fitz.hk/wp-content/uploads/2015/12/-想去行山-應該行邊到2-e1450276329525.jpg?resize=720%2C540&ssl=1)
就咁睇相,你未必估到呢到係北角寶馬山。喺山腰巴士站行唔使半粒鐘,已經去到呢度
諗個主題
最初叫你漫無目的行一轉城門林道,相信唔少人會覺得悶。如果唔係,近年啲人都唔會一窩瘋逼去大棠睇紅葉,或者上大東山睇芒草。所以,初初行山除咗要考慮難度,亦可以揀啲有靚景睇、有好嘢食,甚至有動物睇嘅地方。有個自己鍾意嘅目標,會令你忘卻行山嘅辛苦。
![三椏村嘅走地雞唔知可唔可以吸引到你行下山?](https://i0.wp.com/fitz.hk/wp-content/uploads/2015/04/三椏村入口唔易搵_006.jpg?resize=720%2C480&ssl=1)
三椏村嘅走地雞唔知可唔可以吸引到你行下山?
----- 廣告 Ad -----
諗好點走
交通固然係計劃路線嘅一個考慮因素,不過對新手嚟講,最重要應該係離開嘅交通。如果第一次行山就遇著要喺西灣亭過百蚊一位嘅黑的,隨時會影響心情。亦最好揀啲方便撤離嘅路線,萬一發覺行唔掂,都可以安全走人。
延伸閱讀:《港鐵直達之行山徑(一)》、《港鐵直達的行山徑 (二)》
![行幾個鐘頭山,仲要諗點辦法返歸真係幾痛苦。圖為西灣亭。](https://i0.wp.com/fitz.hk/wp-content/uploads/2015/12/新手必問-想去行山-應該行邊到3.jpg?resize=640%2C480&ssl=1)
行幾個鐘頭山,仲要諗辦法返歸真係幾痛苦,圖為西灣亭。
睇星星
唔係睇雙子座流星雨,係講緊每條路線嘅難度級別,越多星星就難行。咪睇輕呢啲星星,全都有根有據,自問自己係新手,就唔該揀一兩星。
![](https://i0.wp.com/fitz.hk/wp-content/uploads/2017/08/新手行山最緊要近.jpg?resize=600%2C191&ssl=1)
漁護署網頁,難度的計算的準則
延伸閱讀:《[何謂新手路線] 香港及國際的行山分級制》
提下大家,漁護署有個叫「郊野樂行」嘅網站,有齊全港咁多條山徑,全部都係廣闊大路,大家可以上去慢慢揀。
更多:
Fitz Facebook 專頁
[新手限定] 行山必要裝備與物資
行山初學者的3大秘訣
[有片] 保護郊野的4小步
Fitz Hiking 行山