[毅行備戰2016] 路線分析: 第七段 走私坳至鉛礦坳

毅行者行到呢度，已經進入白熱化階段。身體上嘅疲勞、痛苦，已經係家常便飯，精神上可能睇落會痴痴呆呆，不過其實內裏鬥志高昂。呢一段雖然要上針山上草山，不過絕唔係咩障礙！

針山山頂回頭望的城門水塘景色

----- 廣告 Ad -----

第七段：走私坳至鉛礦坳（CP6—CP7）

• 標距柱：M120-M138
• 距離：8.7 公里
• 途經：由CP6走私坳射擊場，越過坡幅不大的金山，進入城門水塘。過城門主壩進入麥徑七段，攀上針山（532米）以及草山（647米），到達鉛礦坳CP7。

路況及地勢：

1. 初段金山坡幅不大，可輕鬆度過。
2. 過了城門水塘，進入毅行者中後段的重要路段：針山及草山。就算對一般行山新手而言，這兩座山路況良好，只要慢慢行，其實困難不大。但當大家已行了60多公里，針山草山就成了一大難關。幸好，毅行者已進入大直路，放棄is not an option！
3. 針山：上山共2000級石級，落山又過千級石級。
4. 草山：上山全為石屎路，但坡幅甚大。落山有石級、草地、泥地、石屎路，變化多端，要集中精神。

草山

注意事項：

1. 針山草山大帽山相信是各位毅行者最熟悉路段。無他，地點易去路徑多變化，成為隊伍最常訓練之路段。
2. 若有支援隊幫忙，可在城門水塘重新整理身上裝備物資，甚至更換衣服，但切勿停留太久。
3. 絕大多數隊伍會在城門水塘大休，但注意休息完一起步就要走2000級石級之針山，所以起行前記住做點熱身，也不應吃太飽。（亦因為呢個原因，部份人會在金山路補給。）
4. 針山多石級，是毅行者的「抽筋勝地」。記住：不要急，慢慢走，達者為先。
5. 上草山全為石屎路，狀態容許的話，可試試加速慢跑。
6. 補給：臨上草山之鉛礦坳分叉路口，大會有熱飲、飲水補給。
7. CP7有驚喜：根據慣例，大會會供應香港製造之名牌杯麵，任食唔嬲。好唔好食係其次，最緊要係畀個目標大家！

註：有關「目標時間」

參考自樂施會官網2012年參加者小冊子，千祈唔以為係行貨，根據本人經驗，佢列出嘅「目標時間」極有參考價值，計埋路況、山徑艱難程度，甚至休息時間。參加者依住佢個時間，可控制自己步速。

至於我只列舉25至35小時作參考，是基於對新手來說，這個時間概不用捱兩晚眼訓，而又不太難去衝破。當然，提多一次，呢個毅行備戰系列主要為新手而設，各位老手有咩心得，記得留言同我多多交流呀。

更多資料：樂施毅行者官方網頁

更多：
Fitz.hk Facebook專頁
[毅行備戰2016] 路線分析: 第六段 畢架山至走私坳
[毅行備戰2016] 路線分析: 第五段 基維爾營至畢架山
[毅行備戰2016] 路線分析: 第四段 水浪窩至基維爾營
[毅行備戰2016] 路線分析: 第三段 北潭凹至水浪窩
[毅行備戰2016] 路線分析: 第二段 大浪西灣至北潭凹
[毅行備戰2016] 路線分析: 第一段 北潭涌至大浪西灣
[毅行備戰2016] 7至10月的訓練計劃
[毅行備戰2016] 11件必須測試的裝備
[毅行備戰2016] 如何挑選你的隊友?
Fitz Hiking 行山