----- 廣告 Ad -----
係開始之前,我哋以為只有我哋。
但隨住時間移動,知道顧問畸畸都抽中左,之後再陸陸續續有團員補中,心情難免既興奮、又可惜; 值得興奮既係,係100公里既道路上又多個戰友;而可惜既係,Support 地點會少左人支持。但講到底,雖然大家都好煩、好嘈,但諗到大家一齊努力、一齊玩、一齊留下一個難忘既經歷,都係一件好好既事。
最後,估唔到一齊玩既朋友多到可以組成 “毅行大聯萌”,當中包括:
雖然大家都有唔同既目標時間,但更重要既係我地有同一個終點。話分兩頭,多人一齊玩既另一個好處係,除左個三個麻 (煩) 甩佬之外交,終於有其他人可以一齊操山 (講起都感動落淚)。係顧問畸畸既組織底下,小弟最期待既活動終於發生:
----- 廣告 Ad -----
佛系24 x POWERGALS x FORERUNNER X FOURFINISHERS x 勝敢悠蜜 x 兩名女子
毅行大聯萌-夜遊麥徑 (5-8)
坦白講,打個活動名已經覺得好有氣勢,夜晚十一點獅子亭出發,目標係蓮姐。起步前,當然唔少得一張大合照!
![](https://i0.wp.com/fitz.hk/wp-content/uploads/2018/09/毅行大聯萌-夜遊麥徑-5至8段-1.jpg?resize=760%2C570&ssl=1)
亮點…亮點…亮點係…真係有好多女仔呀!!! 諗返起佛系操山,完全有眼淚在心裏流既感動。
就係咁,一行十一人浩浩盪盪咁出發。
上次夜山既經驗係:眼訓同攰,加上落大雨,整體黎講都算係辛苦。今次仲要行得長左,所以本身期望都唔係好大,可以做既係好好準備裝備,出發前再飲左罐咖啡,希望漫漫長夜可以快快過去。
唔知係咪人多熱鬧既關係、定係咖啡因,成個過程都冇想像中咁攰咁眼訓,而且天清氣朗,溫度都舒服既,可以走快一啲。途中仲可以好清楚睇倒香港醉人既夜境。
----- 廣告 Ad -----
![](https://i0.wp.com/fitz.hk/wp-content/uploads/2018/09/毅行大聯萌-夜遊麥徑-5至8段-2.jpg?resize=760%2C570&ssl=1)
當停下來,仔細看看,大概會發現,香港仍是很美的地方
五段係大家既談笑聲入面好快走過。六段,穿過九龍水塘,繞經金山,不經不覺就去到城門水塘,五六段本身難度不大,作為夜行既前半部,感覺可以為後半段既辛勞裝備多份滿足感咁!
![](https://i0.wp.com/fitz.hk/wp-content/uploads/2018/09/毅行大聯萌-夜遊麥徑-5至8段-3.jpg?resize=760%2C570&ssl=1)
我們的一點點光
![](https://i0.wp.com/fitz.hk/wp-content/uploads/2018/09/毅行大聯萌-夜遊麥徑-5至8段-4.jpg?resize=760%2C571&ssl=1)
燒烤場大合照,仍然覺得好多女仔=P
可惜師父同師母因為第二日要返工,所以係水塘先行離去。但正正因為咁,可見佢地對毅行既認真同決心(當然不能排除既係,師父都好想同好多女仔一齊行山)。繼續出發,當大家望上天空,見倒既係滿天星星、銀河同彩虹。唔好問點解見倒彩虹,我都唔知,但星星同銀河,真係清晰可見。係操山既過程中,當攰既時候,抬起頭,見倒璀璨既夜空,有種難以形容既幸福感。
也許針山很難,難就難在要行1693級樓梯怎麼辨。噢,對的,1693級係一路行既時候數既,點解要數!?沈佳宜會話:
![](https://i0.wp.com/fitz.hk/wp-content/uploads/2018/09/毅行大聯萌-夜遊麥徑-5至8段-5.jpg?resize=760%2C322&ssl=1)
人生本來就有很多事是徒勞無功的啊
感覺上哩個係其中一樣,但如果下次操山行左108級,就知道前面仲有1585級等住要行。
![](https://i0.wp.com/fitz.hk/wp-content/uploads/2018/09/毅行大聯萌-夜遊麥徑-5至8段-6.jpg?resize=760%2C571&ssl=1)
針山山頂
一口氣行到去山頂,事實係哩件仍然唔係一件輕鬆既事,但努力得黎既,好似多左一份價值。
----- 廣告 Ad -----
I am so poud of You guys.
講一段小插曲,係上山之前,畸畸千叮萬足,帶頭上針行45分鐘,唔好行咁快,佢經過精密計算同驗算同覆算,原因係勝敢悠蜜pb上針要40分鐘,加上之前行左五六段,而且係夜山,45分鐘就最啱啦。然後佢將哩段說話重複同我講左20次(媽,畸畸好煩呀)…最後,勝敢蜜用左38分鐘就登針,好對唔住,係佢地迫我行快d架! 但同時睇倒佢地不繼努力換黎既成長,恭喜又pb啦! 下次30分鐘好上到去啦!
![](https://i0.wp.com/fitz.hk/wp-content/uploads/2018/09/毅行大聯萌-夜遊麥徑-5至8段-7.jpg?resize=760%2C570&ssl=1)
睇住你地大,睇住你地快
有時係最後面望住大家,會擔心到底行唔行得哂呢,大家都返完工,又有琴日操完,又有帶傷上陣。但結果証明大家既毅行力都比我想像中好,不要離我太遠~~~
係畸畸既帶領下,淨返辛苦既六段都行過啦,去到7段開始個亭到既時候,大家都好似揹上多一份疲勞。而攰既程度大概下圖女子最能夠反映:
![](https://i0.wp.com/fitz.hk/wp-content/uploads/2018/09/毅行大聯萌-夜遊麥徑-5至8段-9.jpg?resize=760%2C570&ssl=1)
也許你真是行得太累,也許,也許你要睡一睡《聞一多:也許》
如果要講今次既不足的話,大概係糧食既準備掛,夜行容易肚餓既程度比我地想像中高,Power糖、PowerGel、Power餅全部出哂黎,食到變 PowerMan 都不及一個飯團黎得吸引,當然仲有畸畸個花生都變得特別好食,下次要再注意一下。
整理完行裝繼續上路,四方山仍然都係令人意志消沈,唔驚! 當抬起頭,望下個天,感覺就會好返。我要努力向上,不枉諸君寄望!!!
大家好努力,但大家不說。然後終於趕得切係天光前上到四方山頂。而努力得到左大自然既回報: 天空好靚,五顏六色! 噢,對的,今次真係好似見倒彩虹咁!
![](https://i0.wp.com/fitz.hk/wp-content/uploads/2018/09/毅行大聯萌-夜遊麥徑-5至8段-10.jpg?resize=760%2C570&ssl=1)
我們的努力
![](https://i0.wp.com/fitz.hk/wp-content/uploads/2018/09/毅行大聯萌-夜遊麥徑-5至8段-11.jpg?resize=760%2C570&ssl=1)
登高的勝利
----- 廣告 Ad -----
去到四方山頂終於可以好好休息一下,畢竟最難過既已經渡過左,而最美好既 一陣就會來臨! 大家都面露笑容,但依然,剪影下既畸畸同我係靚啲,所以都係出哩張大合照!
![](https://i0.wp.com/fitz.hk/wp-content/uploads/2018/09/毅行大聯萌-夜遊麥徑-5至8段-12.jpg?resize=760%2C571&ssl=1)
We are the Chimpanzee, My Friend
![](https://i0.wp.com/fitz.hk/wp-content/uploads/2018/09/毅行大聯萌-夜遊麥徑-5至8段-13.jpg?resize=760%2C570&ssl=1)
大自然的震撼
![](https://i0.wp.com/fitz.hk/wp-content/uploads/2018/09/毅行大聯萌-夜遊麥徑-5至8段-14.jpg?resize=760%2C570&ssl=1)
飛不起個個也笑你腳又未踏實地
玩下影下,不經意日出。學畸畸話齋,好似好耐冇睇過日出咁,原來加埋汗水同乳酸、同靚女一齊睇,會有多一種額外既感動。
“日出的美,不及一半的您。”
![](https://i0.wp.com/fitz.hk/wp-content/uploads/2018/09/毅行大聯萌-夜遊麥徑-5至8段-15.jpg?resize=760%2C570&ssl=1)
一樣的太陽,不同的感覺
當然唔少得最重要既一張小合照!
![](https://i0.wp.com/fitz.hk/wp-content/uploads/2018/09/毅行大聯萌-夜遊麥徑-5至8段-16.jpg?resize=510%2C680&ssl=1)
畸畸面有難色,個頭傾埋一邊既原因大概係因為件衫實在太臭,so sorry again
繼續出發,心情已經豁然開朗,由操山變左郊遊,行下、影下相,向白波進發。
![](https://i0.wp.com/fitz.hk/wp-content/uploads/2018/09/毅行大聯萌-夜遊麥徑-5至8段-17.jpg?resize=760%2C571&ssl=1)
聽講行到大帽山,大波圖係必須的,今次應該算係有碼大波圖
28K 順利完成,係蓮姐手上接過畢業証書,再黎張大合照,而畸仙人已經進入夢鄉。
係毅行路上,興幸仲有一班志同道合既伙伴同佛系24一齊玩、一齊痴線,多謝您地。而今次既相有賴畸先生、S小姐、勝敢蜜小姐s幫忙拍攝,多謝您地。仲有既當然係電腦同手機前面既您地,希望您地可以繼續支持,我地都會繼續努力。多謝,多謝大家!
最最後,如果對笑有興趣的話,可以睇返以下片段。
笑完之後,有興趣做 Support 既可以將 CV 寄去我地FB話。冇興趣既都可以 like 返 FB。我地總會搞盡心思引你地笑!
你們每一個喜歡,是我們每一點動力。
係結束之時,我地相信會有大家。
Fitz 連結: https://fitz.hk/?p=103161
Fitz Facebook專頁
[佛系24] 七一大夜行 麥徑三、四段
[佛系24] 佛系操山 麥徑四段
[猛龍慈善跑2018] HNR 團結就是音量
超人•不會跑@Fitz