為保香港郊野誓登珠峰

山雞 2015-03-20

圖片來源：Fran So

上次我嘅文章《釣魚翁告急》發表之後，得到各方關注。在此固然要感激大雄挺身舉報（有呢位咁有正義感嘅朋友真係我嘅福氣），還有勞各個媒體嘅記者朋友。山雞唔識得面對傳媒，所有採訪事宜請聯絡大編（有別於小編），他完全明白事件來龍去脈。

受大編所托，報告一下釣魚翁事件嘅最新發展。第一，呢兩日有傳媒跟進呢件事，而各傳媒嘅報道，可以睇番Fitz嘅Facebook專頁，我哋亦會將最新消息喺呢度公布。第二，一直都活躍於保衛郊野公園嘅南區區議員司馬文，原來喺舊年已發現釣魚翁有問題，亦同有關部門提出投訴。司馬文議員已答應為我哋撰文，講講佢嘅睇法。第三，有讀者呼籲各位朋友行山郊遊時，見到有人破壞郊野要挺身舉報。我山雞當然舉腳贊成。大家發現郊野有被人破壞情況，歡迎電郵（[email protected]）畀我哋，或者喺Facebook專頁留言。當然，亦可以打政府熱線1823舉報名，民間亦有個叫徑.香港Trailwatch嘅團體，佢哋設計咗個電話應用程式，可以即時將相片以及位置傳畀佢哋，佢哋會幫手跟進。

講開呢次釣魚翁事件，有報章就查到係有地主公然違法，喺公眾地方修築祖墳。至於咩人做，就要靠各向傳媒朋友繼續挖料，希望盡快可將有關人等繩之於法。而講開地主，全港最大地主—香港政府，可說係香港郊野嘅最大威脅。近呢兩年，佢哋以搵地起住宅嘅名義，對香港郊野虎視眈眈。呢度又話可以修改用途，嗰度又話起樓無問題，搞下搞下我哋嘅郊野隨時滿目瘡痍。

最近，有朋友要攀登珠峰籌款，希望盡一分力去守護香港郊野。

呢位朋友係Fred Bowers，係旅居香港嘅美國人。Fred覺得，香港人煙綢密，郊野公園簡直係香港人嘅樂土。而Fred鍾情於香港嘅山野風景，佢唔希望政府發展郊野公園，因為郊野發展咗，係無辦法還原。

----- 廣告 Ad -----

11026301_802915486450573_5064285553299509794_n