聽說過走長途籌款一向不是亞洲地區文化(除了香港),反而歐洲地方盛行,韓國作了第一年的嘗試所能有的資源及出哂事嘅食物中毒飯卷,都是難以預計,多得分享會中的完成隊伍來到我們當中講佢地經歷,樂施會長期支援龍先生(幫我confirm)拖住喼都嚟講種種情況嘅來龍去脈,作為分享會主持,絕對樂意將當晚的點滴公開,都係嗰句,唔嚟嘥哂。

1. 有料飯卷
呢條飯卷成為韓毅家傳戶曉的飯卷,真係嘔唔死你,得啖笑,期待何亨文字分享,暫時呢條令大家上落山都上吐下瀉的死亡之卷,原來在第五段或打後有再出現,讓參加者即時陷入人生交叉點,你要餓定你搏嘔,真係人性最大考驗,有一隊三人搏嘔食咗,有一個堅守唔食,結過行到六段附近木橋,發現橋上有一眾人橫陳地上,一息間食飽嘅人都暈暈地,唔係河邊大風佢地都醒唔返,認真係夢幻之卷。

充滿愛嘅位係,義工們即時在求禮郡班盡所有即食麵,唔係我地呢d尾隊在飯卷被放棄後,都已經要食風。而估計原因為食物污染咗黃金鏈球菌,我腦海中嘅幻想係阿豬媽嘅其中一隻手不小心頓成魔爪,惹來驚人嘅蝴蝶效應。

2. 無眠義工
最後一隊完成嘅隊伍係41小時,超過大會限時三個鐘,但義工繼續留守終點迎接。當然各人感受不同難有客觀標準,不過因為義工規模同香港無得比,有早段檢查站義工係做完一個又趕下一個,所以作為義工在僅有資源下,絕對付出好多,而限時嘅考慮主要因為人手,如果將人力集合在星期六、日去完成整件事成為最種要考慮,所以38小時就不出星期六、日,而五點半起步亦因爲老姑壇高山本身三點落閘,所以倒後設定五點半起步。

3. 籌款成績及成績
頭十隊有八隊都係香港人,不過籌款數字大部分香港隊就穩守基本要求。其實唔驚訝,香港人有時係精打細算。

4. 海外毅行
多謝參加者都係有經驗人士,縱橫外國毅行由歐洲至澳洲,綜合嚟講,大會里數同運動手錶計算有出入不足為奇,另外香港始終方便又密集,基本上每隊都有自己support ,未必有海外毅行者咁依重大會,所以資源難預,反而隊長或能力者應該多為四人嘅糧水做準備,有預多無預少,咁就可以減少被打沉嘅機會,以為跟我行包你吃到飽講住先。

5. 總結
行得快為港爭光固然開心。行得慢亦肯定感受到人情味處處,各方人士集氣完成第一次嘅壯舉,讓毅行精神落到韓國土地,感謝每一位工作人員同其他支持部隊,甚至乎隔離酒店老細提供嘅免費早餐。

最後特別鳴謝:

  • 為我地設計獅子山隊衫嘅
  • 築字室 Instagram : @zukzisat
  • 多謝各位善長人翁
  • 尤其 Tammy 同背後一班善長,仲有KK大大力支持,希望你地鐘意件衫
  • 因為無集齊捐款所有名單,咁就唔盡錄,5/6毅行者名單,從「獅子山」再出發。

(玩唔哂,唔順超,咪下年覆桌囉)

有一班行山友叫「獅子山」Facebook 專頁



更多:
Fitz Facebook專頁
[有一班行山友叫獅子山] 毅行者終點不在100K (韓國毅行者2017)
[有一班行山友叫獅子山] 學做隊長,先要學放棄 (韓國毅行者2017)
[有一班行山友叫獅子山] 寫在韓國毅行六個鐘前…
[有一班行山友叫獅子山] 韓國毅行第一戰「敢死隊」
[出戰韓國毅行] 有一班行山友叫「獅子山」