痴線,我永遠都唔會行毅行f信不信由你,呢個係我朋友嘅朋友嘅故事。

唔係好耐之前,有一個人,佢好鍾意講:『痴線,我永遠都唔會__!』。
呢個空格包括踩單車、參加跑步活動、三鐵活動,當中最令佢咋舌嘅係,毅行者。
呢個人因為工作關係,身邊好多奇人異士,喜歡上山下海,曬到黑古勒突,著到緊身緊褲,跑到斷腳,行山行到第二日揸拐杖。

當時佢唔喜歡運動,所以佢唔明,亦覺得唔型。

後來因為多種原因,佢差唔多做晒以上所有嘅事,仲係好咁心情願,而享受地做。
唯獨係一個活動一直遠觀而不敢褻玩:毅行者。

佢唔係行山高手,所以諗都冇諗過會行毅行,但係萬萬想不到佢竟然有機會參加,而又唔知死地應承咗。


問題嚟啦,參加可以!但只係得一個月訓練!
一般人會喺毅行前五個月甚至更長前開始訓練,而佢並唔係一般人,佢係唔識死既人,所以佢依然想試下。

好啦,講到呢度,大家都應該已經知道,呢個人就係譚炳文。

講笑,係我。

仲係初段,所以仍然精神奕奕。
仲係第3段初段,所以仍然精神奕奕。

由於時間倉卒,我第一次訓練就嘗試聽說毅行十段之中最麻煩的兩段:第3第4段。

果然不負我所望,有斜路,有石級,有碎石。。。乜都有,亦非常之和味。
好彩地,可能我剛剛完成單車環島,體力方面沒有太大問題,肌肉的表現合格,唯一係膝頭對於長時間上落山的負荷未能適應,完畢整段行程短短7小時,久未露面的IT部門阿Ben,全名ITBandSyndrome,在右邊同我輕輕打招呼。而左邊膝蓋亦在晚上有點痛楚。。。

呢個經驗令我深深明白一件事,就係無論你做幾多其他training,體能有幾好,無用開果幾組肌肉就係唔夠,咁Support 唔夠,膝頭就會食到應一應。。。

第四段馬鞍山
第四段馬鞍山

好彩復原時間亦非常快,第二天中午,大致上兩條腿已經無任何痛楚,可以再行!

好啦,醜婦終須見家翁,咁我就係度鄭重地宣佈,我參加了毅行,訓練時間只有一個月!
你哋笑啦!即管笑!放長雙眼睇下我點死!哇卡卡!癲咗。

從今天起要每日用Yoga Roller安撫阿Ben了~~~嗚。

欲知我嘅後事如何,請看下回分解

由於Fitz Team隊員當中有醫生有護士,他們要輪班關係,難以四人一同練習。圖為(左至右):隊員夏威醫生、許耀斌Law少、杜光庭Daryl,以及另一位Fitz Blogger 娉婷。
由於Fitz Team隊員當中有醫生有護士,他們要輪班關係,難以四人一同練習。圖為(左至右):隊員夏威醫生、許耀斌Law少、杜光庭Daryl,以及陪行的Fitz Blogger 娉婷。
手機無電,只能追踪到21公里。
手機無電,只能追踪到21公里。

「行到邊,總有夥伴喺身邊」
“Side By Side, Together We Thrive”
Fitz全力支持樂施毅行者2015

#Fitz.hk為樂施毅行者2015媒體伙伴

如果你亦希望為扶貧出一分力,歡迎登入Fitz Team毅行者籌款網頁直接捐款,與我們一起助人自助,對抗貧窮!

Fitz Team籌款網頁:https://goo.gl/6tdsbU
隊伍編號: 0402
隊伍名稱:Fitz

更多:
Fitz.hk Facebook專頁
[Fitz出戰毅行] 痴線,我永遠都唔會行毅行! (下集)
[Fitz出戰毅行] 整裝待發 最後衝刺!
[Fitz出戰毅行] 喜歡,就是單純去完成一件事
[Fitz出戰毅行者] 我與毅行者的20年感情
[毅行備戰] 系列

其他文章:

文章為作者意見,不代表Fitz立場。

歡迎投稿: https://fitz.hk/contribute/

廣告