Fitz LogoFitz LogoFitz LogoFitz Logo
  • 運動
    • 跑步
    • 越野跑
    • 行山
      • 行山路線
        • 西貢
        • 新界中
        • 新界北
        • 新界東
        • 新界西
        • 離島
        • 九龍
        • 香港島
        • 海外
    • 健身
    • 單車
    • 游泳
    • 三項鐵人
  • 活動及比賽
    • 香港比賽時間表
    • 本地活動及比賽
      • 長跑及馬拉松
      • 越野跑
    • 海外馬拉松名額
  • 生活
    • 露營
    • 旅遊
    • 校園
    • 飲食
    • 保險
  • 裝備
    • 一般裝備
    • 跑步裝備
    • 行山裝備
    • 單車裝備
    • 能量補充品
    • 露營裝備
    • 拍攝裝備
    • 穿戴裝置
    • 手機App
  • 聯絡
    • 聯絡我們
    • 短片製作及商業攝影
    • 網站簡介
  • 聯絡我們
  • 短片攝影
  • 活動策劃
  • 商業合作
✕
            沒有結果 查看所有結果

            [Fitz出戰毅行] 痴線,我永遠都唔會行毅行! (下集)

            • 主頁
            • 所有文章 Posts
            • 運動 Sports 行山 Hiking
            • [Fitz出戰毅行] 痴線,我永遠都唔會行毅行! (下集)
            滾動吧!單車日誌。 2015-11-22

            字 Decrease font size. 字 Reset font size. 字 Increase font size.

            痴線,我永遠都唔會行毅行-下集_01

            完成時間為29小時55分40秒,達成目標!

            痴線,我永遠都唔會行毅行-下集_04

            支援隊 支援隊 支援隊。。。

            一個參賽者願意行100公里,行到力竭,腳底長滿水泡、周身筋骨勞損、曬傷,你都唔會覺得佢係奉獻緊,因為佢係為自己,去完成一個目標,去幫自己攞一張身份證。極其量係美其名要兌現向捐款者嘅承諾。

            ----- 廣告 Ad -----

            但係一個支援人員去捱更抵夜,左撲又撲,塞車爭位被抄牌,幫污糟邋遢兼臭崩崩嘅人按腳,好似做奴婢咁,仲要出錢出力,跑終點嘅時候冇佢份,證書上面無佢名。

            他們才是真正的奉獻。

            所以首先要多謝這班無名英雄:Eric、Kaluen、Sam哥(許培道)、松哥(洪松蔭)、PT、Stella、Karen、Cherry

            痴線,我永遠都唔會行毅行-下集_02c

            Sam哥和松哥的專業級按摩,係我哋嘅秘密武器

            今朝起床反思,發現沒有他們做的每一樣事情,結果就不一樣了。有咗佢哋嘅奉獻,我哋先可以無憂無慮咁完成我哋嘅目標。

            感激。

            痴線,我永遠都唔會行毅行-下集_05

            抱歉名單未能盡錄,感謝每一位支持我們的朋友

            ----- 廣告 Ad -----

            捐款者 捐款者 捐款者。。。

            首先感謝身邊嘅朋友,因為佢哋一聽到我要參與毅行者都自動攞銀包,唔係多謝你哋嘅錢,因為錢唔係入我袋,係多謝你哋對我嘅肯定!

            仲有好多人靜悄悄的上到隊嘅樂施會網站捐錢,500、1000咁捐,甚至不留名。

            你哋嘅肯定令我覺得付出嘅價值。

            感激。痴線,我永遠都唔會行毅行-下集_06隊員 隊員 隊員。。。

            一個多月時間練習,大部分人都會覺得你條友仔唔知死!的確。。。我真係唔知死。

            但幸運地我有兩個經驗老到嘅隊員夏威、Law少、同一個深不見底嘅體能王Bonnie,最重要嘅係可以鞭策我。
            老實講,很痛苦。。。我對自己嘅肌肉能力充滿信心,裝備亦係最好,但有啲嘢真係要用時間訓練回來,冇得走捷徑,腳板底嘅受壓能力就係其中一樣。

            同踩單車個鐵patpat,打排球嘅前臂一樣,要經歷不停嘅鑄煉,先能夠成鋼,而呢樣就係此行唯一的最大阻力,腳板底超痛!痴線,我永遠都唔會行毅行-下集_07眼瞓、攰、肌肉酸痛、皮膚磨損、日曬雨淋、溫差都不成問題,但係腳板底痛就一步一入心,所以去到大帽山一段,其實已經好想放慢腳步,由得自己慢慢行頹廢下去,但好在去到Support位置,支援隊又記一功!因為信心又回來了!呢個時候加上松哥洪松蔭嘅陪跑支援下,我哋又決定重新上路,趕上目標時間。

            痴線,我永遠都唔會行毅行-下集_08平時跑十公里真係完全冇問題,但當時咁嘅狀態之下,要跑十公里真係人都癲!

            跑唔夠四公里,我發現剛剛支援位置食咗嘅滑雞飯已經消失咗,開始肚餓。。。腳趾間嘅花士令又無晒。。。腳板底唔洗講水泡已成,真係十級痛苦。痴線,我永遠都唔會行毅行-下集_10到最後3-4公里,因為肚餓關係,開始手軟腳軟兼頭暈,但又唔可以停。。。因為離目標時間只剩下15分鐘!

            ----- 廣告 Ad -----

            如果無隊員嘅鞭策,我一早就放棄咗,所以多謝隊員沒有放棄對我嘅信任!

            感激。
            痴線,我永遠都唔會行毅行-下集_11支援品牌 支援品牌 支援品牌。。。

            講到支援精神,其實除咗人之外,有啲品牌亦非常有心,願意對我地作出支持,真係十二萬感激!

            Newline:newline功能同外表一樣注重,顏色真係配搭無得頂,我完成全程毅行者無換過條褲,全程著到尾,咩問題都無!超讚!
            痴線,我永遠都唔會行毅行-下集_12

            Raidlight:Raidlight講到功能無見過其他牌子夠佢細心,而且非常輕!兩支行山杖救咗我命幾次!痴線,我永遠都唔會行毅行-下集_13

            痴線,我永遠都唔會行毅行-下集_14Biotherm:Biotherm行山必備,防曬!身為一個處女座,我其實好怕搽太陽油。。。因為每次都黐立立,又難聞。呢隻防曬係第一隻可以令我感覺良好嘅防曬。痴線,我永遠都唔會行毅行-下集_16Azzaro:痴線,我永遠都唔會行毅行-下集_15體味真係好重要架。。。你行過毅行者上山跟喺其他臭男人後面你就會明白。。。個陣味聞著上山,有力都變冇力!返到嚟沖個靚涼,香噴噴。

            ANS:痴線,我永遠都唔會行毅行-下集_18行毅行其實好多嘢食,但係你會見到好多人食飽飽轉頭一上山即刻嘔返晒出嚟,因為根本無時間消化!一包powergel有五百幾大卡,快食快吸收,好重要!唔好晒能量去消化個叉雞飯。

            呢啲係上次單車環島食剩嘅,ANS又幫一個忙。

            感激。

            最後,仲要多謝埋樂施會。除咗搞了毅行者呢個活動,仲俾Fitz成為今屆Official Media Partner,實在萬分榮幸。痴線,我永遠都唔會行毅行-下集20總結:

            咁究竟我仲會唔會再玩毅行? 嘿嘿。。。痴線,我永遠都唔會行毅行-下集19「行到邊,總有夥伴喺身邊」
            “Side By Side, Together We Thrive”
            Fitz全力支持樂施毅行者2015

            ----- 廣告 Ad -----

            #Fitz.hk為樂施毅行者2015媒體伙伴

            更多:
            [Fitz出戰毅行] 痴線,我永遠都唔會行毅行!
            [毅行之後] 回復身體疲勞的法寶
            [Fitz出戰毅行] 起步嘞! 係講多謝嘅時間
            Fitz出戰毅行@Fitz.hk
            毅行者@Fitz.hk
            Fitz Hiking 行山

            分享
            滾動吧!單車日誌。
            滾動吧!單車日誌。
            我們是一班單車熱愛者,希望記錄在世界各地滾動的美妙風景,同時為他人帶來感動,就是『感動吧!』的由來。

            請飲咖啡 支持我們

            © 2025 by Fitz Group Limited | All Rights Reserved
            • 聯絡我們
            • 關於我們
            • 私隱政策
            • Team HNR
            • 9 Event
            • LINE Today
                      沒有結果 查看所有結果