----- 廣告 Ad -----
輕！
講多次，輕！
真係一個字形容佢嘅好處，碳纖維竿身，令我有種釣魚嘅感覺，釣友都明白，碳纖維嘅魚竿有幾爽，用來fit魷唔會手軟。用來跑山一樣唔會手軟。
我入手嘅係屬於123cm跑山款式，設計上除咗係可以分開三節易於收藏之外，把手位置更加有手套式設計，同埋快拆扣，可以比你緊扣手把，亦可以隨時隨地輕易脫落、戴上。
其實好多人會選擇用可伸縮式嘅行山杖，但其實可伸縮行山杖有好多壞處，包括重、多零件容易壞，而專家教路，行山杖其實唔一定需要調較長短，因為除咗落山時，竿頭落地位置其實永遠唔應該前過腳尖。所以上山時，竿頭落點同雙腳並排，然後推自己上，並唔係將竿放上前面石級去拉自己上，咁樣做甚至會產生危險。而當Event嘅情況，你亦唔會經常花時間去調較支竿，所以與其係咁，不如一開始買支適合長度的杖還好。
碳纖維本身非常硬，但亦非常脆，踩開單車嘅人就會知道係咩情況。軟/硬、脆/韌本身兼容的。
即係話碳纖維非常硬，好難變形，但係如果喺某個不設計角度用力，佢就會裂開、斷成一半。所以時刻要記住唔好過份依賴行山杖。
呢對行山杖除咗非常輕同方便外，亦有地方需要注意，就係手套位置物料比較堅韌，所以如果行山時間非常長，例如毅行者，就要有適當準備，時不時休息一下同加潤滑劑，如果唔係會磨皮。
----- 廣告 Ad -----
折疊和安裝嘅設計要拉扯中間條線扣上，比較費力，所以收放比較費時。
相關資料：RaidLight CARBON TRAIL POLE
更多:
Fitz.hk Facebook專頁
[Fitz出戰毅行] 給毅行支援隊的信：是你讓我們可以享受痛苦
[Fitz出戰毅行] 毅行的小確幸
[Fitz出戰毅行] 四人八腿首次齊踏麥徑
[Fitz出戰毅行] 痴線，我永遠都唔會行毅行!
[Fitz出戰毅行] 整裝待發 最後衝刺
