過去20年封村事件一覽 政府角色何在?

2020年中秋節四日長周末前夕，位於「東澳古道」嘅必經之路，沙螺灣村村口突然豎起鐵閘，村外人不得進出，有村民揚言會將擅自闖入者「當賊辦」。唔少行山人士去到先發現唔可以繼續前進，失望而回。

翻查資料，過去十幾年新界好多村落都曾經「封村」，除了行山客大受影響，某些事件亦影響多個行山籌款活動。

2001年二澳 阻止復耕

• 背景: 二澳距離大澳約45分鐘路程，並無馬路出入。有保育團體計劃於二澳重新開發廢田重耕，遭到村民反對。有村民於村口豎立封村告示，並阻止行山人士進村。
• 影響山徑: 鳳凰徑第七段
• 發展:
  • 封村事件擾釀多年，令2002年「嶼行者」500名參加者被逼繞道往400米高之萬丈布，令活動路線變得更艱難
  • 漁護署沒有對封村採取行動，只呼籲行山人士改路而行
  • 2013年二澳村村長黃永根成立二澳農作社，於二澳種稙稻米、蔬菜

• 近年情況: 間中仍聽到二澳一帶有人會干涉行山人士前進，係唔畀人入二澳村，定係唔畀人去萬丈布玩水，不得而知。

資料來源: 新報人

2007年馬灣涌 投訴人多

• 背景: 馬灣涌村位於東涌站與逸東邨之間，係旅客由東涌站前往東澳古道、昂坪救援徑等行山路線其中一條路線。村民不滿該處太多人經過，在村口豎起鐵閘，阻止外山進出。

• 由於呢條路並不算熱門，唔行村路亦有其他道路選擇 (如經東涌道北)，所以唔太多人留意。

資料來源: hkitalk

2009年鎖羅盤 發展私人果園

• 背景: 有村民計劃將鎖羅盆村發展成果園旅遊區，喺村內大規模斬樹，並阻止外人進入
• 影響山徑: 鎖羅盤一帶山徑
• 發展:
  • 由於該處部份為私人土地，漁護署公佈於2009年7月1日起永久封閉其私人土地範圍內的路段
  • 2012年，該地區重開。

資料來源: 維基百科、Cyk浮雲騎士 Blog

2013年大浪西灣 不滿政府規劃

• 西灣村村民不滿政府擬將大浪西灣納入郊野公園，阻礙當地發展，村民於樂施毅行者舉行期間，用橫額及鐵絲網堵塞入村的道路，部份參加者需要行至吹筒坳後便改行西灣路
• 影響山徑: 麥徑浩徑第二段
• 事件發展: 呢次封村之後，村民似乎再無任何行動

資料來源: 文匯報

2016年鳳坑 反對政府規劃

• 背景:
  • 鳳坑位於鹿頸側，可由此進入荔枝窩一帶
  • 該區村民因反對城規會將谷埔、鳳坑及榕樹凹納入分區計劃大綱草圖，沙頭角鄉事委員會封閉鳳坑村口一日
• 影響山徑: 鳯坑及谷埔一帶山徑
• 發展: 傳媒再無跟進報道

資料來源: 信報

2020年沙螺灣村 要求發展

• 背景:
  • 沙螺灣村位於「東澳古道」必經之路，於10月長假前夕來往東涌及大澳之道路被村民豎起鐵閘，外人不得進出
  • 村民嘅告示話，過去經常有行山人士及踩單車人士途經村內，製造大量垃圾，破壞村內環境
  • 有報紙揭發，村民多年來向政府要求興建馬路，但不獲政接納。懷疑這次封村事件與鄉村發展有關
• 影響山徑: 東澳古道
• 發展: 行山人士紛紛避走，事件仍未解決

政府默許封村?

上面呢幾單封村事件，影響多條政府規劃嘅行山徑，令行山人士不得其門而入。不過奇怪嘅係，政府非但無嘗試協助行山人士使用山徑，甚至默許這些封路行為。例如二澳、鎖羅盤封村，漁護署只發通告勸人兜路行。而今次沙螺灣村封路，報紙、電視，以至網上媒體討論多日，但係完全唔覺當局有採取行動，就算唔將豎立喺公家道路嘅鐵閘拆走，都應該派人去村內調停。地政總署發言人只向傳媒表示，署方會跟進事件。

新界鄉坤封山徑，政府默許；反而小市民堵塞馬路向政府表達不滿，警察就控告重罪，會唔會太唔一視同仁?