[香港地質公園] 荔枝窩 白花魚藤林

呢排行山人士嘅魯莽行為，就好似肺炎確診數字一樣，每日都有更新。最近網上又流傳一輯攀爬樹藤嘅相片，相中大樹喺邊度未必最重要，畢竟大樹無價，咁樣殘害法絕對要聲討。

講到樹藤，相信唔少人都會諗起荔枝窩嘅白花魚藤林。

白花魚藤林

魚藤 (Derris trifoliata Lour.) 是豆科魚藤屬之攀援灌木，共有70多種，常見於熱帶地區。因含有毒性，舊時農民以魚藤當作農藥，用以驅除害蟲。荔枝窩海岸的白花魚藤林係香港唯一魚藤林。呢種藤蔓植物可粗到似大人腰圍。而呢啲藤蔓生長喺樟樹同銀葉樹之間，甚為奇特。

圖: 房協長者通

早幾年有大批旅客蜂湧到荔枝窩欣賞魚藤，更將魚藤當做鞦韆，魚藤大受破壞。最後，當局以發展海岸公園為由，喺呢到興建木製步道，有人話反而會破壞當地銀葉樹。

荔枝窩地質公園

荔枝窩擁有香港最古老嘅客家村落，有超過三百年歷史，除咗有白花魚藤林呢啲難得一見自然景觀，早年由客家村民興築嘅農業、漁業嘅設備，以及村後嘅風水林，亦見證香港漁農發展，以及印證舊時村落文化。

圖: Lai Chi Wo Village (荔枝窩村)

至於「荔枝窩自然步道」，係客家古村而修建，步道串連荔枝窩海岸、荔枝窩村及風水林，部分路段鋪設了木板步道，畀大家了解呢個地區嘅生態同鄉村歷史。

資料: 香港地質公園、漁護署