本月初俄羅斯兩名後生仔由西伯利亞城市 Yakutsk，計劃東行到遠東港口 Magadan。車輛中途死火拋錨，兩人身陷冰天雪地。多日後，兩人汽車被發現，18歲少年 Sergey Ustinov 死亡，屍體結成冰。而同車朋友 Vladislav Istomin 性命垂危，身體多處嚴重凍傷。
Google 提供路線 (藍線)。紅線係實際可行嘅道路
警察檢視佢哋嘅手機，發現佢哋倚賴 Google Map 提供嘅路線，偏離大路之餘，仲沿住荒廢逾五十年嘅「屍骨之路」(Road of Bones) 前進。呢一區屬地球最嚴寒之地，蘇聯史太林年代極權政府處罰政治犯，就係將佢哋發配呢帶興建道路，造成大量人命死亡。因為條路「以屍骨建成」，所以被稱為「屍骨之路」。不過，當地人同時發現，兩位當事人並無足夠保暖衣物，亦是釀成悲劇嘅重要因素。
----- 廣告 Ad -----
Google Map限制多籮籮
有揸車嘅朋友，都一定試過畀 Google Map「老點」，有人試過要彌敦道 U-turn，又試過沙田坳道逆線落天馬苑。呢幾年雖然已改善唔少，不過如果係行山露營呢啲郊野活動，使用電子地圖始終要承受重大風險，因為佢哋好有好限制:
- 郊野唔少地區流動網絡都有盲點，網絡訊號差，檢視網上地圖或有難度
- 經常要「load住」電子地圖，消耗手機電量
- 部份香港境內地區，會「強行」將訊號轉至大陸網絡，萬一無關閉漫遊功能，隨時收到天價帳單
- 顯示錯誤路徑資訊
所以，長途旅程或者行山遠足嘅最好拍檔，都係指南針同實體地圖，更好嘅就係事前規劃好路線，咁就萬無一失。
新聞資訊: The Sun
朱溫
生於亂世，有種責任。這個責任就是做好自己，感染別人。鍛練好身體，才能裝備自己，迎接亂世。