[假的真不了] 警察夫婦P圖假冒登珠峰

「登頂」成功，夫婦落機受到英雄式歡迎。

今年五月，印度報章大肆報道，話該國一對警察夫婦，登上全球高峰珠穆朗瑪峰，成為第一對齊齊登上珠峰嘅印度夫婦！

印度電視台知道佢哋登頂成功，仲即時插播Breaking News，雖然係印度語，但都feel印度人好興奮……

不過，有人發現，佢哋登頂嘅相，其實係來自另一位印度登山客。咁即係…… 佢哋攻頂嘅相係P圖！？

警察夫婦向外發出嘅P圖。

----- 廣告 Ad -----

原圖係咁

尼泊爾嘅旅遊部門，好重視呢件事，覺得會影響登山界嘅聲譽。於是出手一查，結果不出所料，呢對印度夫婦嘅相，絕對係P圖！

尼泊爾當局隨即下令，呢兩位印度警察，10年內被禁止攀登所有尼泊爾山脈！而當局亦想捉拿協助登山嘅當地雪巴人，不過呢兩位雪巴人收到消息後已經走佬！

[扮勁出事了] 警察夫婦假冒登朱峰被踢爆 4A

佢哋嘅登頂證書唔知有無沒收呢？

----- 廣告 Ad -----

珠穆朗馬峰係世界第一高峰，登唔到頂好平常啫，P圖P到搞出咁大件事，又係咪值得呢？

資料來源：CBC News

我哋坐唔定、無時停，唔做運動唔舒服! 只要係有用知識、重要資訊，以至好玩話題，Fitz都會全力搜羅，同時鼓勵「郁民」齊齊參與，打造一個開放嘅運動生活資訊平台。