鍾意玩越野跑，主要原因係因為喜愛大自然，更加喜歡響氣勢磅礡嘅山群之中奔跑穿插。不過除左用跑步，其實仲有好多方法去樂在其中。今次我就選擇左用漫步嘅方式，趁住聖誕節呢幾日假期，去左台灣嘅玉山國家公園登山遊玩，並希望可以響台灣嘅最高點玉山主峰觀看當地嘅晨光第一線。
放工後立即出機場，響台中上空心情已經好興奮同期待由於只得匆匆幾日假期，我同朋友今次聘用左當地嘅導遊幫我地安排行程為以節省時間。我地首先飛去台中，導遊先帶我地到台中景點捎來步道及高尾濕地等熱一熱身。由於玉山主峰有海拔三千九百米多高屬於高地，隨行朋友當中亦有人從未上過高原，我地隨後先到二千多米高嘅阿里山景區遊樂大半天以逐步適應高原環境。當晚我地響玉山國家公園西北部入口附近嘅民宿東埔山莊留宿，準備第二日出發開始逐步登上玉山。
----- 廣告 Ad -----
到埗第二天先到捎來步道熱身，雖然只有一公里多，但有好多位都係突然急上
響驁峰山睇城市全景
高尾濕地
響高尾濕地跑一趟，so cool!
返回民宿後導遊話玉山有結冰，所以為我地準備左冰爪同教我地點用
阿里山景區，我地主要響巨木群棧道行一行
香林神木，已經有好多年歷史
----- 廣告 Ad -----
仲有紅葉睇，添上一點秋意
東埔山莊，入面嘅房全部都係床位
我地上埋東埔山睇日落
東埔山日落景致
阿里山晚上嘅星空真的不得了
呢一日我地早上八點左右開始出發。今日嘅行程本是好簡單，全日只係行八公里左右。不過由塔塔加登山口海拔二千六百一百高行至三千四百米高嘅排雲山莊，總攀升都有八百米，所以我地都要慢慢咁行以防有高山反應。由塔塔加登山口至排雲山莊嘅路整體嚟講唔算好難行，路途嘅景觀都好壯麗，亦會經過一啲大自然景點，但部份嘅路段會突然攀升得好急，亦有啲路段較陡峭及地面好碎，而同行嘅其中一個朋友體力上有啲不逮，所以我地一直慢慢小心行走，最後連中途休息及午膳我地用左大概五小時到達排雲山莊。
要上玉山事前要申請登山證，登山之前亦都要響度做登記
呢度就係玉山嘅入口
----- 廣告 Ad -----
去排雲山莊頭部份嘅路都唔算難行
較難行嘅部份通常都有鐵鏈輔助
途經大削璧，原本沉響海底，因為地殼移動迫出地面
途中有兩個涼亭位可以比登山者休息
涼亭有溫馨提示叫登山者留意高山反應
終於嚟到排雲山莊，海拔三千四百零二米高
排雲山莊係登上玉山各山峰嘅一個 gateway，亦都係登峰前嘅休息站。時間許可嘅話一般都可以先休息多一日以適應高原氣候。不過由於我地時間緊迫，我地決定到埗後第二天就開始嘗試登頂。原本我地只係打算上主峰睇日出，後來導遊意提議我地去玉山北峰睇日出會更為壯觀，但需要多走一倍路程。商量過後我地接納左導遊嘅意見，由於去北峰路程遠左好多，我地第二朝早需要更早起身出發以趕及日出前到達。所以食完晚飯後我地就匆匆入睡，抖足精神及體能以應付去北峰同回程時攻頂上主峰。
排雲山莊係通往各山峰嘅 gateway
響排雲山莊可以好清楚地睇倒日落
----- 廣告 Ad -----
無乜光害，亦都睇倒好靚嘅星空
第二朝早上我地食完早餐凌晨三點左右開始起步；由於天仍是漆黑一片，我地都需要帶上頭燈。由於近頂嘅位置有可能已經積左雪，我地亦都要揹埋冰爪上路。起初頭段嘅路唔算好難行，都係 zig zag 嘅路慢慢向上攀升； 只是接近主峰頂嘅五百米路段開始變得 technical，旁側係懸崖而且相當大風連人都吹得郁，所以當局都整左鐵鏈比登山者抓緊以防發生意外。走得越高，風刮得越大，幾乎眼都睜唔開。好不容易去到上主峰及去北峰嘅分岔口，天呀! 落去北峰條路又斜又碎兼且有部份路段更加積左雪結左冰，名副其實岌岌可危。我地都要手腳並用拉住鐵鏈慢慢落； 好不容易我地終於上到北峰，雖然未日出，但我地都已經見倒四處都係雲海。我地好興奮同好期待地等待日出，終於見倒旭日徐徐升起，金黃色嘅陽光從黑暗中穿過雲層透射出來，雲海四飄就如仙境一般! 能夠見倒如此震撼嘅景觀，頓時覺得之前嘅辛勞是十分值得的!
要趕得及日出前到達，我地凌晨三點已經出發
要set定好腳架等待影日出
名符其實等待黎明，其實當時好凍，得-4度
千呼萬喚，終於出來了
好有靈氣嘅玉山主峰
雲海變成金黃色
出晒太陽了，好燦爛
咁靚嘅景觀，一定要影低佢同人分享
不如嚟個全景 (按圖放大)
北峰頂，一樣咁騰雲駕霧
北峰嘅氣象站，大部份去北峰嘅人都係響度睇日出，但最佳位置其實係要響氣象站再行落小小
見唔見倒我？其實呢個位睇最震撼，可以睇倒全景
看過日出，天亦已光透，我地開始回程並要攻上主峰頂，也就要「找數」了。之前落北峰嘅斜路而加要反過嚟向上走，真係相當嘅要命! 風刮得好犀利，我地真係手腳並用地擒上去，稍一不慎跣低嘅話真係可能會直碌落山。終於去返主峰同北峰嘅分岔口，弊了! 之前天還光所以睇唔倒，而加天全光先發現上主峰最後嘅二百公尺係更碎更窄同更斜! 風刮得更大，右邊係唔見低嘅峭壁懸崖，我地咬緊牙筋雙手拉住鐵鏈邊行邊拉自己上去，終於，經歷千辛萬苦，我地終於登頂啦! 好靚呀! 真係情不自禁地仰天長嘯啦!!
由北峰行返去主峰，呢段路最最最吃力，又碎又結冰又大風又斜
另一個方向影返條路，基本上係一定要雙手拉住鐵鏈上去
去主峰嘅路相當險峻
其實右邊係懸崖嚟咖
終於到主峰啦～
點都要響呢個最高點 chok 返左張相
繼續騰雲駕霧feel
由主峰望返去北峰，真係另有一番感受
又嚟張主峰全景哩? (按圖放大)
響聖誕節當日企響台灣嘅最高點，我感到無窮嘅滿足感！隨後我地慢慢落山先返排雲山莊食啲野，然後再繼續落山返去塔塔加登山口，司機接過我地後就車我地返台中。我地今次都相當幸運，聽當地人講台灣十二月天氣通常都唔好，就算好亦未必經常有雲。今次台灣玉山之旅可謂不枉前行呢!
回程了，景致都係咁靚
萬綠叢中一點紅
好靚嘅紅葉
返到登山口，依然見倒雲海四處飄揚
更多：
Fitz Facebook專頁
[重行人生] 我的日本登山目標: 槍岳
[重行人生] 台灣太魯閣精華 錐麓古道
Fitz Hiking 行山
