再有山友發現郊野有大範模嘅非法建築。呢次係將軍澳嘅寶坑徑，有人喺天然蓄水池興建人工魚池，更開新路直通小夏威夷瀑布。
山友 Jacky 2019年去過呢處，覺得呢到嘅溪澗保存得好好，幾個天然蓄水池仲好靚。不過佢前兩日再次造訪，發覺自然環境被人完全破壞:
- 蓄水池被人用石頭及英坭起了一條堤，堤面寫住「請勿踩網 內有金魚 請勿掉石頭」
- 蓄水池上層也被人堆砌了石頭，起了一個堤，及一個平台，再上兩層也有雜物
- 有人於上址鋪設新路，直達小夏威夷瀑布
2019年Jacky去過呢到，溪澗好靚
Jacky 話佢最不滿，就係呢個非法魚池將溪流嘅水截流，令下游乾涸，嚴重影響生態。
----- 廣告 Ad -----
晨運平台應有盡有
呢度位於將軍澳寶林邨英明苑山邊，平時好多居民會上去休息過日晨。山徑已被人非法開墾、修築，有人更修築咗個晨運平台，有雨棚、枱椅，甚至健身器材，地方相當大。
筆者喺 Google map 都睇到呢啲建築:
Jacky 已致電1823，要求政府部門採取行動，希望呢啲非法建築唔好越起越多。
圖片經拍攝者授權
**** 山友如果發現郊野環境被人為破壞，可報料畀我哋。電郵 [email protected]。
蝦里
去去，武器走！