「山上野」缺德塗鴉污染環境 | 山友: 行為相當幼稚

最近唔少山友發現各區山頭，都出現一個類似中文字「四」嘅符號，有啲會著名「山上野」。呢個塗鴉出現於山頂嘅大石、政府告示牌，甚至連俄羅斯藝術家 Vladimir Boldyrev 喺大帽山嘅貓貓畫作都有，大多數人都覺得相當唔美觀，完全係破壞環境。

山友「二基」向 Fitz 向透露，佢發現呢個塗鴉有越來越多嘅趨勢，對呢個情況相當痛心。「二基」之前喺行山 group 亦留言講過:

「山有靈 樹有性 靈石也值人尊敬 🙏  呢種四處破壞 到此一遊式既簽名行徑 實在係黑人憎既幼稚行為」

「二基」早前仲專登帶埋天拿水上山，清理呢堆「山上野」，希望情況唔會惡化落去。

塗鴉最高可罰款2,000

依照《郊野公園及特別地區規例》，郊野公園規圍不得塗污公園內物件，以及展示未經授權之標誌及標語，兩罪最高可各判罰2,000元及監禁3個月。

荒山野嶺唔會成日會有執法，不過正所謂人在做天在看，大家做嘢都要對得住天地良心。