[越野賽要跑石屎路?!] 山野之王全馬組被逼取消

有18年歷史嘅本地越野比賽，山野之王，因為漁護署覺得其中一段「柏架山至將軍石」，未符合漁護署新訂立之政策，而唔批准山野之王跑經呢到。於是，大會被逼取消山野之王港島站嘅30.5km全馬組別，大家唯有齊齊跑18.5K嘅半馬嘞。

呢次漁護署提出嘅理據，係依據佢哋嘅「申請在郊野公園或特別地區，舉行籌款活動、體育競賽、公眾集會或公開演說的指引」，入面嘅「在非定期維修路徑舉辦的活動」(5c段)。裏面話：

「體育競賽及籌款活動應盡量在有維修的路徑進行，須避免在人跡罕至的山脊小徑及土壤嚴重流失的地點進行跑步活動，以防土壤流失問題加劇、保存自然景觀的完整性和保障公眾安全……」 (文件連結  [Word文件])

用人類語言講一次，就係話要喺石屎路（或者有定期維修，已規劃好嘅郊遊徑，例如麥、衛、鳳）舉辦越野賽。

CP2 至CP 4要被逼取消，大家唯有跑半馬組。 (按圖放大)

山野之王主辦人Keith Noyes強調，呢段路已經跑足18年，從來無人受傷，亦無任何路徑損壞嘅報告，對於漁護署呢個裁決，完全覺得無可奈何。

而事實上，「山野之王」賽事歷史悠久，吸引唔少海外選手參加。如今比賽被逼取消全馬組別，完全係跑界嘅損失。

更令人擔心嘅係，呢次「山野之王」遭受漁護署咁樣壓制，其他越野賽會唔會因為咁而被逼喺石屎路舉行，甚至要取消賽事？

山野之王有關方面，呼籲跑友向漁護署反映意見，反對今次決定。大家可先參考「Note to runners about HK Island KOTH 2016」文件，再電郵至負責辦理審批「山野之王」港島站之漁護署公務人員：

email: [email protected], [email protected]

山野之王 King of The Hills 大會網站

更多：
Fitz.hk Facebook專頁
練出越野慢跑的驚人實力
[香港的馬拉松] 全馬 半馬 及 超馬
[專訪泳衣男] 我想喚醒大眾
Fitz Running 跑步