圖片來源：Friends of KOTH
山野之王 King of the Hills (KOTH)，1998年由居港美國人 Keith Noyes 創辦。賽事分為四站，每屆賽事都係跨年，由11月玩到第二年嘅3月。
賽事特點
- 較多外籍人仕參加，極有香港華洋共處嘅特點
- 大會網站，包括比賽資料、通告，都以英文為主
- 報名費相宜 (今年每站$150)，一次過報4站仲有優惠
- 賽事分為「全馬」及「半馬」，半馬適合山賽新手，限時較寬鬆
- 簡約主義：沒有多餘的紀念品、完賽牌，只有一件著足4站嘅比賽Tee。而中途補給，亦只有飲用水及香蕉。甚至乎連官網也十分簡潔
- 完賽啤酒為賽事賣點，終點設有任飲。完賽食物就只以基本為主 (但某年得到太古集團贊助，有大廚為跑手即場煮雲吞麵)
- 主辦單位 Seyon Asia 亦曾在廣西的桂林、陽朔、資源市、莫干山，以及台灣的墾丁和印度的馬納利舉辦賽事
半馬及全馬的參加者，往往要細心留意路標，因為路線不時會重叠。 圖片來源：Friends of KOTH
4個分站 (2017至2018年度)
- 2017年11月26日：港島站 (渣甸山 > 大潭水塘 > 紫蘿蘭山一帶)
- 2018年1月7日：大嶼山站 (南山 > 白芒 > 東涌 > 彌勒山 > 鳳凰山 > 伯公坳 > 梅窩)
- 2018年2月4日：大埔站 (大埔舊墟 > 九龍坑山 > 八仙嶺 > 新娘潭 > 三椏村 > 鎖羅盤 > 谷埔 > 亞媽笏 > 烏蛟騰)
- 2018年3月4日：西貢站 (北潭涌 > 雷打石 > 榕樹澳 > 黃石 > 赤徑一帶)
比賽其中一大特色，就當大家都用 GPX 或 Google Map 的時候，他們仍堅持在實體地圖繪製路線。上圖為今年西貢站的半馬路線 (按圖放大)
----- 廣告 Ad -----
注意
- 山野之王路線近年多番更改，甚至連分站也有改變，相信是與漁護署收緊有賽道審批有關
- 某幾個站的路線並非直線行走，往往在山頭兜圈
Fitz 編輯部
我哋坐唔定、無時停，唔做運動唔舒服! 只要係有用知識、重要資訊，以至好玩話題，Fitz都會全力搜羅，同時鼓勵「郁民」齊齊參與，打造一個開放嘅運動生活資訊平台。