[廢青的夢想] 郊野垃圾變藝術品

去郊野活動，「自己垃圾自己帶走」已成指定動作。有人就更加積極，會喺行山途中「順手」執埋垃圾。而呢位年輕人，再加多步，希望將啲垃圾創作為藝術品。

Kazaf自稱為一個「廢青」，鍾意行山。佢透過網上呼籲，搵到一班志同道合嘅朋友，定期上山執垃圾。

Kazaf接受訪問時話：

「我希望之後大家合力喺山上面做一件藝術品，再將多餘真係垃圾既，自行帶落山處理。我地完成左件藝術品，會影相或者航拍，同埋一齊砌一齊縮時拍片，如果政府有人清就由佢清囉。」

Kazaf強調，雖然每個星期都有唔同人士，定期會上山執垃圾。不過都係你有你執，我有我揼。佢希望，可以借呢個計劃，令更多人關注郊野垃圾問題。

佢仲介紹一啲日本嘅「垃圾藝術品」畀大家。

日本人在沙灘上用收集得來的垃圾造成裝置藝術

日本東京藝術博物館，將垃圾造成燈飾

郊野垃圾揮之不去，Kazaf呢啲有心人真係不可多得！

Kazaf希望可以更多人支持佢哋，詳情可以去佢哋嘅Facebook專頁查詢。

資料及圖片來源：情迷跑山的廢青 Bustling Deviater

(本文為作者觀點，不代表本網立場。)

更多：
Fitz.hk Facebook專頁
[一幅圖睇晒] 郊野垃圾分解時間
垃圾佬日記
清不盡的郊野垃圾
Fitz Hiking 行山