[港環港 HK Trekking 7] Day 5-6 扶輪營地 > 蝴蝶灣 > 大澳 > 南山營地

編按：旅遊達人 NAT & HIRO【跟星球去旅行 The Planet Journey】，谷主之一的 Hiro 於 2017年8月1日出發，計劃用7日時間走遍香港山徑，一共250Km。

• Day1 : 西貢 – 北潭涌 – 萬宜水庫 – 浪茄 – 西灣 – 蚺蛇尖 – 赤徑 – 黃石
• Day2 : 黃石 – 嶂上 – 雞公山 – 水浪窩 – 馬鞍山 – 昂平營地 – 獅子山 – 金山 – 城門水塘 – 鉛礦坳 – 大埔市區 – 大尾督 – 涌背營地
• Day3 : 涌背 – 船灣淡水湖 – 鹿湖峒 – 新娘潭 – 八仙嶺 – 鶴藪營地
• Day4 : 鶴藪 – 流水響 – 九龍坑 – 大刀屻 – 梧桐寨 – 大帽山 – 扶輪營地
• Day5 : 扶輪營地 – 田夫仔 – 吉慶橋 – 千島湖 – 九逕山天梯 – 屯門 – 青山 – 蝴蝶灣公園營地
• Day6 : 蝴蝶灣公園 – 坐船到大澳 – 龍仔悟園 – 石壁水塘 – 狗牙嶺 – 鳳凰山– 大東山 – 南山營地
• Day7 : 南山 – 梅窩坐船到中環 – 西高山 – 山頂廣場 – 黃泥涌峽 – 大潭水塘– 龍脊 – 大風坳涼亭 – 西灣河碼頭 – 坐船到油塘 – 行返秀茂坪屋企 – 完成!

Day5 : 扶輪營地 – 田夫仔 – 吉慶橋 – 千島湖 – 屯門 – 青山 – 蝴蝶灣公園營地

今日可以慢慢行，9成都係石屎路~有冇屯門碼頭附近既朋友今晚想出來食飯吹水呀!哈哈

陽光充沛的一天，要由田夫仔改道清快塘士多補給，去到吉慶橋時遇到一位美女導師帶小朋友行山，還說有follow我地個專頁~~ 果然想識靚女就跟我行多啲山

My Friend 今天你如何? 今日真係好曬…但有我老婆買比我既愛心防 UV 遮，千個太陽我都唔怕!!

我終於由西貢行到去屯門喇!! 雖然時間及腳力都唔夠再上埋青山頂，但我會下次補返架，今日真係太曬，行引水道個2個鐘又風都冇…體力好快消耗晒，先去露營場霸位睇日落休息下，再期待聽日

上唔到青山，令我可以早左去露營場，仲有時間影下相! 大家終於睇到我個單人營喇，真係一人咁大，放多啲野都唔係咁得，但真係好輕，加埋張綠色地席都係2kg內。

另外蝴蝶灣好有驚喜，沙灘靚之餘個燒烤場直頭係完美~ 至於露營場…哈哈，OK啦！

Day 6 : 大澳 – 龍仔悟園 – 寶蓮寺 – 鳳凰山– 大東山 – 南山營地

第六日的早晨，因為屯門到大澳坐船最早要9:30到，諗住早起啲改坐巴士可以早少少開始行，順便係巴士冷氣下訓覺，6點上車…8:15到大澳，食埋早餐原來冇快過囉!!

寶蓮寺到達，仲有家姐探班請食豆花。頭先路過龍仔悟園比狗追，跑左成百米先唔跟，證明腳痛下我仲跑得好快~~

在山頂飲可樂何其開心，在落山落大雨何其幸運

完成左大東山喇，已經係貝澳玩水休息中，第6日順利完成了，今日遇到好多靚景，超正!!

好多大陸人，露營場好爆，好多油污，好多人摸蜆，冇人游水!!

我特別行快少少去到貝澳執螺加餸，今晚有海鮮食呀!!好開心~~

NAT & HIRO【跟星球去旅行 The Planet Journey】Facebook 專頁