報章介紹許林士多嘅第二日，嶂上出現空前盛況。（圖片來源：樂山行Facebook)
報章訪問嶂上許林士多二代文哥，第二日許林士多人山人海，生意興隆。作為許林頭號FANS，我山雞固然替文哥開心，亦襯許林人氣大盛之時，講講許林值得支持嘅一件事。
2010年毅行者，在雨中進行。當時我一隊人剛開始第三段，突然傾盆大雨，久久不停。山上幾千幾百人人人照頭淋。當大家跌跌撞撞行到嶂上，「令人興奮的畫面.jpg」出現了，許林唔知喺邊度搵幾個搞攤位遊戲嘅帳幕，一眾泥鴨嘅毅行者就全部匿喺入面等雨停。（最後雖然無停過）
對我哋行山友嚟講，許林士多唔只有好味嘅豆腐花，仲有一份對行山友嘅支持。
----- 廣告 Ad -----
香港仲有唔少好似「許林士多」咁有心嘅郊外小店，請多多支持佢哋。
山雞
十歲登上魔鬼山，二十歲游走大帽大東鳳凰釣魚翁大刀屻。志願有二：生個仔要叫阿山；登上喜馬拉雅山，掛上真普選直幡。
