[財政預算案2018] 推廣綠色旅遊 完善山徑?

財政司長陳茂波喺2月最後一日宣讀 財政預算案，我哋最關心嘅，就係佢會唔會開宗明義發展郊野公園。好彩，「郊野公園」呢四個字，喺預算案未有提及，暫時可以放心，不過佢喺發展旅遊業一章，第106段第三項，就話提到：

「推廣綠色旅遊，完善本港熱門及具旅遊潛力的行山徑的配套」

預算案無提及點樣去「完善」，但依照大家做咗咁多年香港市民嘅經驗，每逢見到「完善」、「優化」等字眼，都預期到政府會大興土木。

郊野地方，大興土木，亦即係將山林趣味大肆破壞!

遠嘅有郊遊徑石屎化工程，令大批愛好郊野嘅市民走來出反對：

大欖郊遊徑的石屎路。圖：郊遊徑石屎化關注小組)

近嘅有，下苗田呢張路邊長櫈：

下苗田的長櫈 圖:天行足跡

長櫈相片係由熱心推動環境保育嘅天行足跡，喺Facebook專頁發表。

如果財政司司長心目中嘅「完善山徑」，就係設立一大堆靚靚長櫈，又或者興建一百幾十個豪華式涼亭，我相信真正熱愛山野嘅朋友，一定會好失望!

鳴謝天行足跡借出圖片

連結：財政預算案2018