[郊野安全大法] 遇蛇要保持距離

踏入四月，山頭上不時睇到蛇嘅跡影。有山友見到遠處有蛇就嚇到唔敢行，又有人就好勇敢，走埋去同蛇合照。

呢幅圖真係睇到人心驚膽跳，不過就算係蛇王或者野生動物專家，係咪就要埋去搞下條蛇? 意外嘅嘢一單都嫌多，如果呢條真係毒蛇嘅話，被佢咬到後果不堪設想。

Steve Irwin

----- 廣告 Ad -----

「澳洲鱷魚先生」、生態動物專家 Steve Irwin，生前拍過無數套動物紀錄片，就因為一次意外，被佢拍攝嘅魔鬼魚襲擊而死。我哋平常行山都係為咗抒展身心，實際無必要去騷擾野生動物。

圖: 漁護署

對蛇要敬而遠之

專家教路，行山要避免受到蛇嘅攻擊，可以注意以下幾點：

絕大多數情況，蛇如果唔感到威脅，係唔會主動攻擊人類。喺山徑見到有蛇，先慢慢後退，只要同蛇保持十呎左右嘅距離，就算同佢影下相，打下卡都仲得。不過睇時睇，千祈唔係圍住佢哋，記得要留條路畀佢走。

遇到任何野生都動物其實都唔應該觸碰。特別係蛇，你嚇親佢，令佢有反常反應，佢真係話唔定會咬你。

好多人以為毒蛇顏色鮮艷，但呢個完全係誤解。你唔係蛇類專家，千祈咪段估。好似話寄生喺樹上嘅翠青蛇，同毒性頗強嘅青竹蛇非常近似。青竹蛇就因為全身綠色，好多人以為佢無毒而中招 (平均每年毒死10人)。其實就算證實係無毒嘅蛇，都唔好搞佢哋啦。

----- 廣告 Ad -----

漁護處統計，香港陸地上嘅毒蛇有12至16種，其中毒性最強包括金腳帶銀腳帶，以及飯鏟頭等。不過，大多數蛇害怕人類，見到人走埋去都會掉頭走。

幾年前，有本地爬蟲專家喺北潭涌捉到一條大蠎蛇。注意，呢位係爬蟲專家，佢捉條蛇去做學術研究。(SCMP片段)

十歲登上魔鬼山，二十歲游走大帽大東鳳凰釣魚翁大刀屻。志願有二：生個仔要叫阿山；登上喜馬拉雅山，掛上真普選直幡。